Yavalata tiko na yagomu e na veisiga

Update: 9:50AM AU vakavinavina sara vakalevu vua na Kalou Levu ko Jiova e na noqu yacova rawa mai na Muanaira Day e na siga e dai.

E vakadeitaka toka mai na i tukutuku oqori o Mereani Raico, na marama ni Vanuadina, Tokatoka, Tailevu ka domona na i kanakana ni ki e na koro ko Muanaira, Qiuva, Bau e na yasana talega o Tailevu.

Na gauna e gole yani kina na Na i Lalakai e na koro ko Muanaira e na siga Vakarauwai, e se qai lesu sara ga mai na marama oqo e na nona vakawereca na nona veirourou ka tea voleka toka ga e yasa ni nona vale.

E kaya o Raico ni dodonu me da yavalata tiko na yagoda e na veisiga me rawa ni vakalailaitaka na mate sureti ka sa veitauvi vakalevu sara tiko e na gauna oqo.

�Gauna e liu, au dau gole e na veitiritiri na la�ki losua, la�ki dreke niu mai nakoro ka vakakina na noqu dau vukei noqu lewe ni vale e na veika kecega keirau dau cakacaka vata kina.

�Ia, niu sa mai yacova toka oqo na i ka 80 ni yabaki ni noqu bula, au sa sega ni rawa ni cakava na veika au a dau cakava e liu, ia, au sa teitei toka ga e na noqu yasa ni vale me rawa ni yavala tiko kina na yagoqu,� e kaya.

Tomana o Raico ni 18 na yabaki na nodrau taura tu na i tutu ni Vakavuvuli e nakoro kei na nona lewe ni vale ni bera ni qai mai kacivi na nona bula e na yabaki 2010.

Kuria ni mai na loma ni 18 na yabaki oya, e rau donumaka kina e walu na i Talatala.

E kaya na marama ni Vanuadina oqo, ni i lavo e rau rawata kei na nona lewe ni vale, e rau tara rawa kina e va na vale, ka vakakina na nodratou icurucuru na luvedrau.

�Au sa vakavinavinaka tiko ga vua na Kalou Levu ni vaqo na i rairai ni veika au sotava e na siga e dai,� e kaya.

Tomana na marama oqo ni dodonu me da kua ni vakaosoosotaka na noda vakasama e na veika e sega na betena, ka me da mamarau ga e na veisiga me rawa ni dede kina na noda bula e na dela ni vuravura ka veivakarautaki kina na Kalou.

�O au, au sa raica oti na noqu sala, na nodratou vakilici au na makubuqu, au qai vakilai au tale mai kina, e rairai e se tiko beka na kequ yaga me vakabulai au tale mai kina na Dau ni Lewa, ka�u mai talanoa tale tiko kina e na siga e dai,� e kaya.

Na gauna oqo e tea wavoki toka e na nona yasa ni vale na moli, rokete, rourou, baigani, ka vakakina ni bucina tale tikoga na yasi na marama oqo.

E ratou se bula vinaka kece tiko na luvedrau e lewe va, ka vakakina na makubuna e 12, ka nuitaka tiko o Raico ni na vakabalavutaki tiko na nona bula me yacova na Siga ni Sucu ni yabaki oqo.

More Stories