Yabaki 20 e loma o Jone

ESA mai tau na kena i totogi o Jone Cokanauto me yabaki 20 e loma ni valeniveivesu, ni oti na nona vakatauca na i totogi ena mataveilewai e cake e Suva o Turaganilewa Salesi Temo.

O Cokanauto e i liuliu ni lotu na Jezreel Lion of Judah, ka dua na i wiliwili levu ni lewenivanua era osota yani na valeniveilewai ena nodra vakamuria na kisi ni veilewai oqo.

Tukuna o Turaganilewa Temo ni kucu e dua na i tovo lolovira, ia ni ra mai kucuvi na goneyalewa lalai, e sa dua na i tovo veibeci me vakayacora e dua.

E laurai ni a cala ena 10 na cala ni veivakasagai, wili kina e lima na kisi ni kucu, dua na kisi ni via kucu ka va na cala ni nona veivakasagai.

E a kunei ni a cala o Cokanauto ena 2002 ki na yabaki 2015.

E na qai rawa me mai totogi e tuba o Cokanauto ni sa qarava oti e 19 na yabaki ena loma ni valeniveivesu. E vakaraitaka ena loma ni valeniveilewai o Turaganilewa Temo ni a vakadewataka cala na i Vola Tabu o Cokanauto me rawata kina na lomana.

More Stories