Waraki o Tuisova, Nakarawa, Kunatani

E TUKUNA o Jasa Veremalua e dua vei iratou na cauravou ka dauqito tiko ena itutu ni iyatu e liu ni timi ni Fiji Airways Fiji 7s ena nodratou curu mai na noda cauravou dauqito mai valagi ena vukea ka laveta cake tale na nodratou qito ki na dua tale na ivakatagedegede e cake.

E tukuna o Veremalua ni a tukuni vei ira na dauqito ena nodra tiko ena keba ni na veitomani tiko o Semi Kunatani, Josua Tuisova, Semi Radradra kei Leone Nakarawa mai Lodoni.

E vakabauta talega o Veremalua ni na dua na bolebole levu vei iratou na cauravou dauqito ena noda vanua.

Esa bera ni dua na ka e tukuna o Gareth Baber na dauniveivakatavulici ni timi ni Viti me na vakaqitori ratou talega na cauravou lewe va oqo, ia e namaki ni na sotavi iratou mada e liu ni bera ni qai vakadeitaka e dua na i tukutuku.

More Stories