Waraki na macala ni veitalanoa ni veisaumi

E NAMAKI me ratou na veisaumi na rawa metali mai na sotasota ni Commonwealth mai Gold Coast, Ositerelia.

E tukuna Peter Mazey na jeameni ni Fiji National Sports Commission ni ratou sa na waraka na FASANOC me na dua na nodratou dabe vata ka bosea na veika me na soli.

E kuria o Mazey kevaka me na gole mai vei ratou na FASANOC na vakatutu qo, e ratou na qai raica vata kei na matanitu.

E tukuna o Lorraine Mar na daunilewa ni FASANOC ni yabaki qo e ratou a qito vinaka na timi ni Viti me vakatautauvatataki kei na veiyabaki sa oti.

Ia, na metali nei Viti a rawata na koula o Eileen Cikamatana ena lave ka bi, Apolonia Vaivai e rawata na varasa, e rawata na siliva ena rakavi lewe ya vitu kei na varasa ena veivacu o Winston Hill.

Ni da raica lesu na nodratou qaqa na noda matatimi mai Rio ena sotasota ni Olympics era a mai saumi talega ena nodra vakavinavinakataki mai na matanitu.

Ia, vei Iliesa Delana ka sa vukevuke tiko ni Minisita ni Qito ena yabaki qo, a qaqa talega ena koula ena nona vakaitavi ena Paralympic ena veisisivi lade. A mani lolomataki vei koya na nona vale.

Ia, e namaki ni na dua na tukutuku vinaka e na macala ni oti na veitalanoa e rau cakava na FASANOC kei na Fiji National Sports Commission.

More Stories