Vunivanua kei Tui Nubu

E TOMANA ko Alusio Sovita Tuivolivoli na nona i tukutuku me baleti Vunivanua kei Tui Nubu, ni sa yaco na i lakolako ki Taveuni ka sa lutu na lutu ka toso na kena vo.

Rau sa veitomani voli ga kei Tuiwai kei na lewe ni lakolako ena tawa vanua ka sa kau tale tikoga na senikau e a tei toka e Uluiqalau e Sawani me sa kau voli e na i lakolako ka sa dewa ki Taveuni.

E keri sa qai tukuna o Vunivanua vei Tuiwai me sa kau cake ki na ulunivanua cere ka toka e Taveuni.

?Rau sa qai vakayacana me sa yaca ni ulunivanua ko ya o Uluiqalau,? e kaya o koya.

Sa i koya oqo na kena i kuri.

E kaya o Sovita na nona gole ko Vunivanua e la?ki tawa kina na veivanua vaka Vuna, ki na Yatu Lau ka suka lesu tale mai ki na vanua ko Vuna.

Ia, me da suka lesu tale ka kaya o koya ni na gadreva me na vakamatatataka mada na i lakolako mai nei Lutunasobasoba.

?O Lutunasobaosba e vakarorogo ki vei Vunivanua me vaka na veitalai e a vakayacorik i vua me kauti rau na Ciri.

?E na nona lesu mai ko ya e a dua na kawa tamata e a kauta mai Aferika ka oka kina o Degei.

?Era vodo mai e na waqa na Keva, Maopa. na Rogovoka ka ra tadu kece mai ki na vanua ko Vuda.?

E kuria ka kaya ni lewe levu era kaya ni luvei Lutunasobasoba ulumatua o Rokomoutu.

?Na luvei Lutunasobasoba e qase duadua o Nakalou.

?Nakalou o koya e kena i cavuti tiko nikua vakaturaga ki Navatulevu vua na Turaga na Tui Nadi.

?Na turaga oqo e sega ni kilai tu vakaivola ni oqo na ulumatua nei Lutunasobasoba,? e kuria o Sovita.

E kaya o koya ni kilai tu vakaivola nikua ni ulumatua nei Lutunasobaosba o Rokomoutu.

Tomanaka ka kaya ni sa tekivu me sa biu mai o Vuda me sa toso nai lakolako ni tawana vanua e na loma ni vanua e sa qai kaciv iratou na luvena o Lutunasobasoba e na dua na siga me sa vosa vakalougatataki iratou ni se bera ni mai mate.

Ni sa mai vosa vakalougataki iratou oti kina na luvena ni ratou na ka?ki veiliutaki e na veivnaua e ratou na dui la?ki vakaitikotiko kina, e sa qai vakacegu yani. Tukuni ni Turaga oqo na vanua e mai maroroi kina na yagona e davo koto e na dela ni dua na tokaitua ka vakababa e na vanua o Magodro s ena koro o Bukuya e na colo kei Ba.

Sa bulu oti sa tomani sara na i tosotoso me ratou sa yacova yani na vanua ka vakatokai tiko nikua o Ucunivanua e Verata. E kaya o Sovita ni vanua talega oqo e na nodra i tikotiko na Gone Turaga na Ratu, ka sa mai yaco kina me ratou sa na valataka o cei vei iratou me taurana i tutu vaka Turaga.

Ia, e dua bulu ga na luvei Lutunasobaosba yalewa ka yacana o Buisavulu ka mani la?ki vakaitikotiko e Bureta e Ovalau.

E kea, e tomana o Sovita ka kaya ni a vakaluveni kina ka dua na luvena ka yacana o Vaula.

?A mani kerekere kina o Buisavulu vei iratou na ganena ke rawa ni bau la?ki vakaitavi talega na vugodratou oqo e na veitau cici ka me na vakayacori e na baravi ka yacana o Walu me kena i sosomi e na kena valataki na i tutu vakaturaga ,? e kuria.

?Ia, au vinakata me?u vakamatatataka e ke ni a qaqa ena veitau cici oqo na luvei Lutunasobaosba ka gone duadua o Tuivanuakula.?

E kaya o Sovita na nona sa qaqa e na veitau cici oqo esa qai solia vua na tolu na nona i cocovi.

Na i matai e tolu na vudi dreu; Kena i karua e tolu na dairo; Kena i katolu na i tutu vakaturaga ka tiko kina na qaqa kei na cecere e na vanua vaka Verata sa i koya na Vu ni Sau.

Na gauna e sa soli kina vei Tuivanuakula na i cocovi oqo, e ratou sa qai vakasalataki koya na dau veiqaravi e kea me dro sara vakayawa de ratou na qai vakacalakataki koya na tuakana.

Sa qai nanuma o koya me sa dreo ka qai cavuta o koya e dua na vu ni sinu me nonai titoko me vaka era dau vakayacora na qassew na gauna e liu kevaka e dau balavu na i lakolako era mua tiko kina. A qai dro cake ki na vanua tikoga e ratou muria sobu yani.

?Sa qai la?ki cegu toka e na dua na vanua ka vakatokai tiko nikua o Vanuakula, ka sa tiko nikua e na vanua vaka Naitasiri.

?Oti sa qai siro sobu tale yani kina vanua e sa vakatokai tiko nikua o Rakiraki.

?Sa yaco ki Rakiraki sa qai muruka toka e kea e dua na vu ni sau ka sa qai vakatoka me sa toka e kea na turaga na Gone Sau.

Sa musuka oti e kea e dua na Vu ni Sau sa qai takso lesu tale ki cake ena vanua era a tiko kina e liu na nodra qase ka la?ki buluta toka e kea na veimama ni kena dairo kei na vudi dreu.

Sa qai vakatoka o koya na delana ko ya me delana ni Veiyala.

Na vanua e veiyala kina na vanua Vaka Naitasiri, vanua vaka Namosi, vanua vaka Tailevu, vanua vaka Navosa. Ia, na delana talega ko ya e qai mai tekia kina na nona i titoko na vu ni sinu ka kena i vakadei me bula tiko mai na gauna ko ya me yacova mai nikua.

?Sega tale ni dua na vu ni sinu e bula kina , sa i koya ga na nona i titoko,? e kaya o Sovita.

Sa na mai yala toka mada e keri ka na qai kuri tale yani.

More Stories