Vunivalu kei Radradra

Update: 10:47AM E NAMAKI ni rau na sota tiko o Semi Radradra kei Suliasi Vunivalu ena nodrau na veitavulaki tiko na timi ni Eels kei na Storm ena mua ni macawa qo. Na Eels esa dabe toka ena i ka 8 ni tutu ena 20 na poidi ka liutaka tiko na i tuvatuva ni poidi ena sotasota ni NRL na timi ni Storm ena 28 na poidi.

Ia, e vakaraitaka ko Vula Dakuitoga na dauniveivakatavulici e liu ni timi ni Fiji Bati ni qito vinaka sara tiko ena sotasota levu qo na timi ni Storm oya na timi nei Vunivalu.

�E dina ni ratou sega ni qito tiko ena timi ni Storm na dauqito era sa la�ki qito ena sotasota ni Origins ia e ratou qito vinaka sara tiko,� e kaya o Dakuitoga.

E kuria na nona i tukutuku na turaga yabaki 52 qo ena nona vakasarava toka na timi ni Eels e dina ni sega na yaca rogo era lewena tiko ia, e ratou qito vinaka tale tikoga.

�E ratou qito vinaka tiko ena Eels na cauravou ni Pasivika ka vaka kina o Radradra ena nona vakayagataka vinaka tiko na kena levu ena gauna ni qito,� e kaya o Dakuitoga.

E kuria na turaga ni Bagasau qo mai Cakaudrove ni dau vakayagataka vakavinaka o Vunivalu na kena balavu ena gauna ni dau caqeti vakatubutubu na polo.

�Au vakabauta ni na dua na veitavulaki vinaka e rau na cakava na timi e rua,� e kaya na turaga vasu ni Nakorovatu mai Naitasiri qo.

O Dakuitoga a daramaka na siqeleti ni Bati mai na 1993 me yacova na nona biuta na qito ni rakavi saumi ka dauniveivakatavulici ni Bati mai na 2001 ki na 2004.

E rau na sota tiko na timi ni Eels kei na timi ni Storm ena veimama ni ciwa (9:30pm) ena bogi n Vakarauwai qo.

More Stories