Vulica mai na koro ni vasu

Update: 11:56AM DINA mada ni�u vasu ga ki na koro ko Muana-i-cake, e na yanuyanu ko Fulaga mai na Yatu Lau, ia, e sega ni rawa ni dua e na noqu koro ni vasu me siviti au e na kena tali na ibe kulasiti, ka kilaitani duadua kina ko Fulaga mai na Yatu Lau.

Oqori na i vakamacala e tukuna toka mai o Anaseini Latu na marama ni koro ko Delaiyadua, Bureiwai e na yasana ko Ra, mai na loma ni makete ka dau volitaki cakacaka ni liga no kina e Suva.

E kaya na marama yabaki 57 oqo ni se tekivu vukei nona Nei (Takayawa Uluicicia) mai e na volitaki cakacaka ni liga mai na makete levu e Suva, ka ra sa vakayagataka tiko na dau volitaki voivoi e na gauna oqo.

�Au se dau vukei noqu Nei mai na gauna au a mai vuli kina e na sekedari e Suva mai na loma ni yabaki 1972 ki na 1978.

�Ia, na yabaki oya, au se sega sara ga ni kila vakalailai na talitali, ia, e volitaki tu ga kina na basikete na i vava.

�Gauna ga au sa biu vuli kina me�u lesu tale kina ki nakoro e na yabaki 1979, au sa qai la�ki vulica mai kina na talitali.

�Au vakaraici ira toka ga na marama e na nodra talitali, au la�ki tovolea sara tiko e vale me yacova sara niu sa kila vakavinaka sara ga na kena i talitali matailalai tale e so me yacova mai na gauna oqo,� kaya o Latu.

Tomana ni dau taleitaka sara ga vakalevu na talitali ka kauti koya sara me la�ki cakacaka e na vica na otela mai na yasayasa vaka-Ra.

E kaya o Latu ni oti ga na nona cakacaka mai na yasayasa vaka-Ra sa mai vukei nona Nei tale e na makete ka rau tawana toka e dua na rumu ni volivolitaki, baleta ni levu na gauna e sa tu ga e vale.

Kuria ni dau cakava ga mai na nona cakacaka ni liga, ka mai volitaka toka e na nodrau sitolo e na makete.

E kaya o Latu ni levu sara na i soqosoqo vakamarama e lewena tu ka vakakina na Fiji Arts Council ka vuqa tal;ega na i soqosoqo nodra na marama ni Lau e lewena.

Tukuna talega na marama ni Bureiwai oqo ni dau levu sara na volivoli e na gauna e liu, na gauna qo e vaka me sa luluqa mai na volia na i cakacaka ni liga baleta ni sa levu beka na makete.

Sa nona i vakasala ga o Latu vei kemuni na gone yalewa o ni sa sega ni rawata e dua na cakacaka mo ni yalovinaka sara mo ni kila na cakava na cakacaka ni liga cava ga o ni rawa ni cakava, baleta ni rawa ni veivuke ki na nomuni bula e na veisiga ni mataka.

More Stories