Vulagi doka i Forbes mai Lawaqa

Update: 11:31AM ESA na vulagi dokai tiko ko Derek Jamie Forbes na kavetani e liu ni timi ni rakavi lewe ya vitu ni Niu Siladi ena sotasota ni Mana Whey Fiji Coral Coast 7s ena macawa qo.

O Forbes esa kele oti mai na rara ni waqavuka e Nadi ena yakavi ni Moniti kei na nona vuvale.

E dina ni levu vei keda na lewei Viti edau sega soti ni taleitaki koya ena gauna e qito voli kina ena timi ni Niu Siladi vakabibi ena sota kei Viti ia, e tukuna o Forbes ni dua na ka na levu ni nona marau ni dau sotavi ira na gone ni Viti.

E kuria o koya ni ra dau kauwaitaki koya ena gauna ni qito kei na veivanua e lako voli kina e rawa saraga ni ra tarovi koya ka kerea me bau dua na kena i taba.

E kaya ni sa vakavuqa na nona dau talevi Viti mai ka sega vakadua ni veisau na nona dau kauwaitaki mai vei ira na lewei Viti ena nodra dau vakatavitavi koya era kidavaki koya ka ra bau taba vata talega kei koya.

More Stories