Volekati Smith o Qera

Update: 10:43AM ESA volekata yani o Akapusi Qera na kavetani ni timi ni Viti na i sausau esa biuta toka ko Greg Smith ena levu ni gauna e qitotaki Viti ka kavetani talega kina ena gauna ni valataki vanua.

Esa kavetanitaka oti na timi ni Viti o Qera ena 28 na gauna ni qito ia o Smith e liutaka na timi ni vanua ena 30 na gauna ka qaqa vakatinikavitu, druka vakatinikatolu.

O Qera esa qitotaki Viti oti ena 57 na qito ia e namaki me na tautauvata nai sausau esa rawata ena sota kei Toga kei Samoa ena sotasota qo ni Pacific Nations Cup.

Ia, e namaka o John McKee na dauniveivakatavulici ni timi ni Viti e dua na qito vakaituvatuva kei na muri lewa ena sota kei Toga ena mua ni macawa qo.

Ena yabaki sa oti a qaqa o Viti vei Toga ena 23 kei 18 ena ANZ Stadium e Suva.

E rau na sota tiko o Viti kei Toga ena 2 na kaloko ena sigalevu ni Vakarauwai ka na qai sota kei Samoa ena macawa mai oqo mai Apia.

More Stories