Veivuke vei Ba o Idia

ESA na veivuke na matanitu o Idia ki na valenibula mai Ba, ka rauta ni $30 na milioni na i sau ni yaya me na vakatoroicaketaki kina na valenibula oqo.

 E vakaraitaka na veika oqo na Minisita ni Lavo kei na Vunilawa o Aiyaz Sayed- Khaiyum ena gauna e veitalanoataki kina na ulutaga ni kena sa na volitaki ki na veitabana ni bisinisi na valenibula e rua, mai Ba kei Lautoka.

 E kaya o Khaiyum ni vinakata na matanitu me na vakarautaka na valenibula e Viti ka tu vinaka tu na kena i yaya ni veiqaravi ka sa veivuke tu mai kina na matanitu o Idia.

 E kaya o Khaiyum ni nona veisiko mai Viti o Narendra Modi, na i liuliu ni matanitu mai Idia e Viti ni dodonu me na dua vei ira na valenibula vinaka ena noda wase ni vuravura ena tiko ena noda vanua.

 E kaya ni gadrevi me na vakatoroicaketaki na i vakatagedegede ni veiqaravi ni tabana ni bula e Viti me rawa ni da veivuke talega kivei ira na matanitu ena Pasifika,

 E kaya ni sa tosoi tiko na veitalanoa kei ira na veitabana eso ena kena gadrevi me na vakavinakataki na i vakatagedegede ni veiqaravi ni tabana ni bula vei keda raraba.

 E vakadeitaka talega ni nona tiko mai Idia ena gauna oqo na Paraiminisita, ena laki tomani tale tiko na veitalanoa ni kena laurai me na vakavotukanataki  na i tuvatuva oqo me baleta na valenibula e Ba kei na kena e Lautoka.

More Stories