Veivuke o Viti

A VEIVUKE na timi ni Vodafone Fiji 7s ena nodratou qaqa na timi ni Canada ena sotasota ni Singapore 7s ena mataka ni Moniti.

Na timi ni Canada e ratou se qai qaqa vakadua ena matai ni gauna ena sotasota ni HSBC World Sevens Series.

Na timi ni Viti a vakadrukai Canada ena qito vakatobu ena 35 kei 7 ena mataka ni Siga Tabu ena i otioti ni nona qito vakatobu.

Ia, e vakaraitaka ko Damian McGrath na dauniveivakatavulici ni timi ni Canada ena nona tukuna ena World Rugby ni a vakadrukai vei Viti na nona timi ka ratou vuli mai ena so na ka e ratou malumalumu kina ka vakavuna me ratou vakadruka eso na timi kaukauwa.

E kaya ni oya na veika e ratou rawa ni vakaraitaka na cauravou ni Canada.

Ia, ei tukutuku vata ga oya e tukuna talega ko John Moonlight na kavetani ni timi ni Canada ni vakavuna na nodratou qaqa ena nodratou vuli ma na malumalumu ena qito vakatobu.

E kuria o Moonlight ni levu era sega ni lomaleqataki ratou ena gauna e ratou a druka kina vei Viti ia, e ratou a vukica na uto ka vakaraitaka ni sega ni ka wale na nodratou mai qito, ka ni rawa ni ratou rawata e levu na bilo. E kuria ni dredre toka me tuvai vakavosa.

E kaya ni ratou a druka vei Viti, ia mai nodratou dauniveivakatavulici ka tomana o Moonlight ni ratou sa matanataka e matai vuravura ni rawa ni ratou vakadruka na timi ga e takoso e matadratou.

E kaya ni ratou a vakadruka e tolu na timi kaukauwa. Na timi ni Canada ea qaqa vei USA ena 26 kei 19. Ia, ena sotasota ni Paris 7s ena vula mai oqo, o Viti e rau na sota tiko kei na timi ni Rusia, Samoa kei Ositerelia ena Tobu D. Na timi ni Canada ena sota tiko kei na timi ni Sauca Aferika, Sikoteladi kei Japani ena Tobu A. Ia, ena Tobu B ena qito tiko kina o USA, Niu Siladi, Welesi kei Argentina.

Na timi ni Igiladi e na qito tiko kei na timi ni Kenya, Varanise kei Spain ena Tobu C.

Na sotasota ni Paris 7s ena vakayacori tiko ena i ka 13 ki na i ka 14 ni vula mai oqo.

More Stories