Veivuke ena volitaki kakana e Natadradave

Update: 11:53AM

NA nona raica o Setareki Goneqali ni ra lewe levu na lewenivanua era ciciva tiko yani na wai ni bula e Natadradave, esa mani nakinaki kina o koya me volitaki kakana buta, kakana draudrau kei na vuanikau me vukei ira kina na lewenivanua.

E tomana ena nona i tukutuku o Goneqali ni eso na kakana e volitaka tiko oya ena nona dela ni teveli ni volivolitaki e volia mai ka mai volitaka tale.

�Na noqu mai volitaki kakana qo ena noqu veivuke ga vei ira na gole tiko mai qo me ra mai sisili ka gunu wai tiko e nakoro,� e kaya o Goneqali.

�Eso era via kana tu mai, eso era se bera tu madaga ni katalau era sa mai waraka tu na gauna me ra sili kina ena wai qo,� e kaya na turaga yabaki 31 qo.

E tomana o koya ni levu era se yaco tu mai na tinikarua na kaloko ena bogi levu ka ra se bera ni vakayakavi. 

E tukuna o Goneqali ni sa sega tale ni qai yaga me gole ena makete me sauma na nona vodovodo me la�ki basa kina e na taoni mai Korovou.

�Au sa volitaka saraga eke na kakana draudrau, na tavioka kei na kakana buta kei na so na vakalomavinaka ka ra dau taleitaka na gone lalai,� e kaya o Goneqali.

Na turaga qo e volitaka na kakana buta oya na ika tavuteke sara vakamatau ka kena kakana dina na tavioka lako vata kei na tomata, rokete kei na moli.

Ia, e volitaka na roti kari kei na bean, na baigani kei na wainimoli ka sa sega tale ni qai yaga mo lomaleqataka na kemu ivakasigalevu se i katalau ni ko gole mo la�ki sisili ki Natadradave se ki Delakado ni sa tiko na turaga oqo me na ceguva na nomuni karamaca kei na viakana.

E tukuna o Goneqali ni rawa sara ni rawata e na dua na siga ni noan volivolitaki e sivia e $100.

More Stories