Veivakauti o Bai ki valagi

Update: 11:24AM AU tatara saraga vakadodonu mai na noqu taga me�u rawa ni veivuke kina vei ira na noda gone e tu vei ira na taledi ni qito kei na nodra rawa talega ni tomana tale na nodra vuli. Oya na veika e vakaraitaka ko Seremaia Bai na dauqito e liu ni timi ni Viti ka tagane ena i tutu ni naba 10 ena rakavi tinikalima.

�Na i naki levu ga ni noqu veiqaravi me�u vukei ira na gone ni Viti era sa lutu mai koronivuli ka ra vinakata me ra laveta cake na nodra vakatagedegede ni qito rakavi,� e kaya o Bai.

E tomana na nona i tukutuku na turaga yabaki 39 qo ni dau tuberi ira na gone era kauwai tiko me ra vakavulici ka vakarorogo vakalevu.

�Au raica ni dua na ka na noda vakalutu vuli tiko na kawa i Taukei ka tiko vei ira na noda gone era vakalutu vuli qo na taledi ni qito rakavi,� e kaya o Bai.

Na mataqali veiqaravi e vakayacora tiko qo ko Bai esa rabailevu sara ka ni tuberi ira na gone e koronivuli ka sa vakauta oti talega e va na gonevuli ki Luxemburg oya na kedrau veimama na vanua o Jamani kei Varanise me ratou la�ki vuli kei na qito.

�Oya e tiki tikoga ni noqu porokaramu vei ira na gone i vakarau vinaka, ka sa gole oti talega e rua na cauravou ki Christchurch, e dua ki na St Bedes College kei na kena i karua ki Kelston Boys High,� e kaya o Bai.

E levu talega na koronivuli mai valagi era vaqara mai qito ena noda vanua e dau veitaratara mai vei Bai me dau veivosakitaka na porokaramu me dau mai muri me vaka na kena vakarautaki e dua na timi ni gonevuli e Viti me rau na mai qito vata.

Ena gauna qo esa vakavalenivolavola tikoga ena nona vale o Bai ka kerea tiko na veivuke mai na so na kabani ena kena vakailavotaki ena sala ni kena vakarabailevutaki na nona veiqaravi.

O Bai e dua vei ira na dauqito e liu ni timi ni rakavi lewe ya vitu kei na tinikalima ka sa vakadinadinataki koya oti ena nona gauna ni qito. A sucu ka susugi cake ga e Nadali koro o Bai, ka vuli e Nausori District School ni bera ni qai dewa yani ki Lelean Memorial School me yacova na fomu va.

A qito rakavi voli o koya ena loma ni 16 na yabaki mai Ositerelia, Niu Siladi, Welesi, Varanise kei Igiladi. A qitotaka na timi ni Viti ena rakavi lewe ya vitu ena yabaki 2000 ka daramaka na siqeleti ni rakavi 15 ni Viti mai na yabaki 2000 kina 2016 ka sa qai mai lili na nona i vava ni qito ena Jiulai ni 2016.

Ia, e na gauna qo esa veivakatavulici tiko ena rakavi, ka dairekita tiko ni vuli rakavi e Viti ka cicivaka tiko na porokaramu ka vakatokai na BAI (Be An Inspiration). A veituberi talega ena veivakararamataki ni bula kei na veika erawa ni rawati mai na rakavi.

E cavutu dina mai na koro vakaturaga o Suweni ena yasana levu ko Cakaudrove. Ke o ni vinakata mo ni veitaratara vei Seremaia Bai e rawa ni tarai koya ena naba ni talevoni, 9774752.

More Stories