Veitokoni vei Rainima

ESA laki vakaitavi tiko ena macawa oqo mai Apia e Samoa na noda Ranadi o Nanise Rainima na goneyalewa ni Nakelo ka mai Adi Senitoa ena yabaki oqo. E tukuna ni gadreva na noda veitokoni na lewei Viti ena vuku ni nona laki matataka na noda vanua ena veisisivi ni Adi Pasifika.

 Esa taura oti na i covi cecere oqo e rua na noda goneyalewa o Mere Nailatikau kei Alisi Rabukawaqa. Ena nona laki vakaitavi na goneyalewa oqo, e kaya ni na vakamacala tiko ena ulutaga ni bibi ni nodra i tavi na marama ena Pasifika.

Na bibi ni tavi era qarava e vale, na veisusu kei na veivakatoroicaketaki e na wase ni vuravura oqo.

E kerea talega na noda veitokoni ena kena toqai na yacana ena mona livaliva me rawa ni na rawata kina na Miss Internet o Nanise.

E marau talega ni veitokoni voli kei koya o ira na wekana voleka ena nona tiko oqo mai na koro turaga kei Samoa o Apia ena vuku ni veisisivi era veisisivitaka na goneyalewa mai na veimatanitu ena Pasifika.

More Stories