Veisisivi sere e Lami

A MAI vakacagau e na i Wasewase o Lami e na kena marautaki na yabaki 50 ni Koniferedi e Viti e na nodra a vakayacora e dua na veisisivi sere ni lotu kei na veivakalasai e so e na bogi ni Vakaraubuka sa oti.

E kaya o Nai Talatala Joji Natuivau ni rau a oka e na veisisivi sere oqo na Tabacakacaka o Qauia kei Lami ka umani koto e loma e 15 na valenilotu.

Oqo era oka kina na i wasewase vei ira na marama, turaga, mataveitokani kei na wilivola ni Siga Tabu.

Kuria ka kaya ni a vakarautaki na i cocovi kei na sitivikiti vei i koya na matasere e a liu kei ira na matasere e vakiaba;lebale na nodra sere ki na marautaki ni yabaki 50 ni koniferedi e na noda vanua.

Era a oka e na veisisivi sere oqo e na Tabacakacaka o Lami na matasere ni valenilotu e Nasevou, Nakurukuru, Nakula, Valenicina, Waigasa, Naisogowaluvu, Matanisivaro, Waisere kei Saioni.

E na Tabacakacaka o Qauia e oka kina o Orepi, Ararata, Moraia, Saineai, Kirisini kei Eremoni. E vakanamata tu oqo ki na soqo levu ni kena marautaki na yabaki 50 oqo e na vula mai oqo.

More Stories