Veisiko o Luveni

ENA macawa sa oti, era marau na gonevuli ena Cuvu College mai Sigatoka, ena nona veisiko yani o Vuniwai Jiko Luveni, na Sipika e Palimedi.

Vakaraiataka o William Bennion na Head Boy ni koronivuli ni levu sara na ka era vulica na gone me baleta na i tavi bibi e dau qaravi ena Palimedi.

Tukuna ni levu sara na ka era vulica na gonevuli

Kaya talega na i vukevuke ni liuliu ni koronivuli, o Ajay Singh ni ra kalougata na gonevuli, Fomu 4 baleta ni tiki ni nodra lesoni oya na veika me baleta na Palimedi.

E veivakauqeti talega vei ira na vo ni veikoronivuli me ra kerea ki na Palimedi me na dau laki sikovi yani na nodra koronivuli mai na timi ni veivakararamataki e Palimedi.

E na macawa sa oti, e talevi ira tiko na veikoronivuli mai Kavanagasau, Sigatoka ena loma ni yasana o Nadroga na timi mai Palimedi.

Na timi mai Palimedi oqo e laki veisiko talega ena Vakaraubuka sa oti e Nanoko kei Navatusila, ka laki sikovi talega na gonevuli mai Thomas Baker Memorial School.

Ena rua na yabaki sa oti, a tekivuna kina na Palimedi na kena dau laki sikovi na noda veitikotiko, na koro kei na koronivuli me rawa ni ra vakavulici na noda ena i tavi eratou qarava na tabana oqo ena noda vanua kei na matanitu.

E i sevu talega ni marama e Viti o Vuniwai  Luveni me cabeta na i tutu ni Sipika e Palimedi.

E namaki me na dabe na Palimedi ena siga Lotulevu ka ni na kacivaki kina na i Tuvatuva Vakailavo ni noda matanitu ena yabaki vakailavo vou, mai na Okosita ki na Jiulai ni yabaki mai oqo.

More Stories