Veilewai ke sega ni saumi na lisi

SA ra na kau ki na mataveilewai ko ira era sega ni saumi tiko na nodra lisi mai vei iratou na Matabose ni Qele Maroroi ni I Taukei.

E vakaraitaka na Matabsoe ni a rauta ga nio $2 na milioni e ratou a kumuna e na maliwa ni Janueri kei na Feperueri , ka dua ga na i wase ni lavo lailai e na Feperueri ka dodonu me tokas e na $18. 56 na milioni.

Na i dinau oqo e levu duadua e dodonu me vakagolei mai na lisi ni teitei kei na i tikotiko ka toka e na $9.92 na milioni kei na $5.74 na milioni.

E na dua na vakatrutu ki na komiti ni yaubula e na palimedi e na macawa sa oti e vakaraitaki kina ni gadrevi me saumi oqo kivei ira na i taukei ni qele.

E na gadrevi me saumi mai n ai lavo oqo mai vei ira era sa sega tru ni sauma na nodra lisi e na veitabayabnalio sa oti.

Na sala duadua ga e na rawa ni vakayacori vaka kina , e kaya namatabose mera sa na kau ga ki na mataveilewai me vaka ni virikotori e na kena I vakaro ni dodonu ga mera na sauma na lisi.

E na gadrevi vei ira na lisi mera na rokova na veidinadinati era sa sainitaka taumada, ke sega era na vagalalataki.

Veidinau eso ni lisi me yacova na Feperueri.

Teitei – $9,928,074 (e 13,981 nalisi)

Ai tikotiko – $5,746,970 (e 19,804 na lisi)

Wai/Yaubula – $874 (e 23 na lisi)

Tei kau – $97,920 (e 247 na lisi)

Koronivuli – (193,108 (e e 536 na lisi)

Vakaduri bisinisi – $1,002,423 (me 224 na lisi)

Buli I yaya – $297,730 (me 616 na lisi)

Matanitu – $141,155 (e 452 na lisi)

Saravanua – $1,002,423 (e 1,774 na lisi)

So tale – $442,793 (e 1,034 na lisi )

More Stories