Vakila o Malolo na moto bitu ni Naitasiri

Update: 8:54AM

ERA marautaka na dauveitokoni ena rara na Ratu Cakobau Park na qito rairai vinaka duadua ni sotasota ni 2016 Skipper Cup ena mua ni macawa sa oti.

E rau a sota kina na timi ni Malolo kei Naitasiri ena dua na qito vinaka ka ra vi avakaraitaki ira kina na i taba dauqito e na gauna qo.

E dina ni a qaqa o Naitasiri e na 21 kei 13, ia, na i tuvatuva e tuvana na dauniveivakatavulici e rau a qitora vinaka na timi e rua.

Na veika e ratou vakayacora toka na cauravou ni Malolo ka sega ni vakabekataki na vuni nodratou rawa ni mai qito kina e na veta e cake ni sotasota e na noda vanua.

E tukuna o Mosese Volavola na dauniveivakatavulici ni timi ni Malolo ni ratou sa kila rawa tiko na veika e rawa ni vakayacora o Naitasiri. E kuria o Volavola ni ratou sa vakaukauwa yago taka mai na mataqali sota vakaoqo ka marautaka ni ratou tudei na nona cauravou e na qito qo.

Na timi ni Malolo e na sota tiko kei Suva e na macawa qo mai Lawaqa e Sigatoka.

E marautaka na nodratou mai qaqa na timi ni Naitasiri ko Talatala Joji Rinakama na dauniveivakatavulici.

E tukuna ni oqo e dua na taba dauqito vou ni timi ni Naitasiri ka vinakata me na veiveisautaka tiko na i walewale kece ni i tuvatuva e na vei macawa ka me rawa ni sotava kina e dua na tuvatuva vinaka duadua.

E tukuna o Talatala Rinakama ni gadreva me ra na vakaukauwa na dauqito ka tosoya cake tiko ga na i vakatagedegede ni nodra qito.

More Stories