Vakatakilakila i Tui Esekaia

Update: 10:51AM E laurai ena nodra vakekeli na kena dau ena yasa ni Temple Mount mai Jerusalemi, e qai kunei kina na nona sitaba ni vakatakilakila se na �seal� ni Tui o Esekaia.

Ena nodra vakekeli oqo na gonevuli mai na Jerusalem Hebrew University, e kunei kina na veika oqo ka mokimokiti me vaka na polo ni rakavi ka buli mai ena qele malumu ka tolu na milimita na kena vavaku.

Oqo e vakatakilakila ni veika ena veiliutaki nodra na Tui e Jutia ena 3000 na yabaki sa oti.

Na sitaba oqo e vakayagataki me sitaba kina na i tukutuku mai vua na Tui, ka volai tu kina na vosa oqo. � Hezekiah ( son) Ahaz King of Judea.� 

E a kunei talega e vica vata na sitaba ka vakabauti ni ra vakatakilakila ni kena dau maroroi na kakana.

E dua vei ira na daunivakekeli e qai wilika ka tomika na i vakatakilakila oqo, ka veisemati saraga na i vakadinadina oqo kei na veika e volai tu ena i Vola Tabu me baleta na nona a bula voli mai na Tui qaqa oqo.

E ra kaya na kena dau ni a bula mai o Tui Esekaia mai na 727 – 698 BCE. Ni vakadikevi na i vakatakilakila qo se na �seal� oqo e laurai ni dua na matanisiga, ka qai toka kina e rua na taba ni manumanu vuka- ka kena i balebale se sabolo ni bula.

Na vanua e kunei kina na vakadidike oqo, e laurai talega kina e 33 na sitaba ( seals) ka volai kina eso na yaca vaka – Iperiu.

E liutaka tiko na vakadidike oqo o Dr Gabi Barkai kei Tzachi Dvira, ka sauma vakailavo na veiqaravi oqo na Israel Nature and Parks Authority, kei na City of David Fund.

Esa koto ga oqo e so na i tukutuku me baleta na nona bula o Tui Esekaia, mai na II Tui 18 ena i Vola Tabu.

1) Ena i katolu ni yabaki ni veiliutaki vakatui i Osea na luvei Ela e Isireli, a sa yaco me Tui Juta o Esekaia na luvei Easi.

2) Ni sa yabaki 25 o Esekaia, sa veiliutaki mai Jerusalemi me 29 na yabaki. Na tinana o Epi na luve i Sakaraia.

3) A dau caka dodonu ena matai Jiova o koya me vaka na ka kecega a cakava na Tui o Tevita na nona qase.

4) A sa vakarusa na veivanua ni qaravi kalou tani, ka voroka na vatu lelevu ni sokalau, ka basuraka na i vakatakarakara ni kalou yalewa o Asera. E sega ni vorolaka vakamatailalai talega na gata parasa o Neusitani ka a cakava o Mosese. Me yacova na gauna oya, era sa dau vakama tiko na ka boi vinaka o ira na Isireli me vakananumi kina.

5) A vakabauti Jiova na nodra Kalo na Isireli o Esekaia ka sa sega tale ni dua na tui e Juta me tautauvata kei koya, mai liu se ena gauna e muri.

6) A sa tudei tikoga vei Jiova ka sega ni beca na nona lewa, ia sa dau qarauna vinaka me muria na veivakaro kece sara sa vakarota o Jiova vei Mosese

7) Ena ka oqo, a sa tiko kina vata kei koya o Jiova, ka sa rawata vakavinaka na veika kece sara sa vakayacora.

Ia sa sega ni muria na lewa i Tui Asiria ka sega ni via vakamalumalumu vua.

8) A sa qaqa ena nona valuti ira na kai Filisitia, ka curuma vakaukauwa na nodra i tikotiko mai na koro lailai duadua ki na koro levu duadua, ka okati kina o Qasa kei na veivanua e tikiva.

More Stories