Vakararavi ga vua na Kalou

Listen to this article:

Vakararavi ga vua na Kalou

NI da sa vakaliuca ga na Kalou e na dela ni vuravura oqo, e na sega ni dua na ka e dredre e matada.

Oqori na nona vosa ni vakadre o Peniasi Odrovakavula, e na gauna e marautaki kina na nona siganisucu mai na nona koro.

E ra a osota yani na valevakoro mai na koro ko Muana, Toga, Naqavoka, na veiwekani voleka nei Peni, e na gauna e marautaki kina na nona sa yacova mai na yabaki 80 e na siga Vakarauwai.

A i ka lima ni qase e na veitacini lewe tini o Peni, ka ratou sa qai bula tikoga e na gauna oqo e lewe ono, ka ratou sa leqa e lewe va.

A tekivuna na lotu o Talatala Kemueli Kedrayate, ka vakayatuyatutaka na nodrau veikilai kei Peniasi ni a se tekivu sara ga mai e na gauna e ratou tiko veitikivi voli kina mai na Top Shop mai Raiwaqa.

Vuqa sara na i tukutuku ni nodrautou bula vakavuvale e tukuna o Talatala, ka vuli vakalevu sara mai kina o koya.

E na nona wasea na nona i vunau, e kaya kina ni sa rauta me yacova mai o Fala (na yaca e rau dau veikacivi kina) na yabaki 80, baleta na i vakarau sara ga ni yalona kei na nona dau qarava vakavinaka na Kalou Levu ko Jiova, ka vakabibi na nona qarava na nona matavuvale.

Ni oti na lotu, e sa qai uvuca na kadrala o Peni, ni bera ni qai vakayacori na kanavata ni siganisucu.

E a cakacaka taumada o Peni e na vale ni walesi ka i sevu talega ni turaga i Taukei, me raica kece na gacagaca ni walesi (transmitter) kei na misini kece e na vale ni walesi.

A tekivu na nona cakacaka e na tabana ni misini e na yabaki 1969 ka qai mai vakacegu e na yabaki 1993, a ya, ni sa oti vakavinaka e 24 na yabki e na FBC.

E sa leqa na marama watina, ka sa bula tikoga e na gauna oqo ko Peni, rua na luvena yalewa ka rau sa vakawati ruarua kei na 3 na makubuna.

Na nona i vakasala ga o Peni ki vei ira na wekana e ra tiko e na siga Vakarauwai, sa i koya me ra dau qarava sara vakagumatua na noda Kalou Levu ko Jiova, ka me da dau dina e na i tavi eda vakaitavitaki keda kina.

Array
(
    [post_type] => post
    [post_status] => publish
    [orderby] => date
    [order] => DESC
    [update_post_term_cache] => 
    [update_post_meta_cache] => 
    [cache_results] => 
    [category__in] => 1
    [posts_per_page] => 4
    [offset] => 0
    [no_found_rows] => 1
    [date_query] => Array
        (
            [0] => Array
                (
                    [after] => Array
                        (
                            [year] => 2023
                            [month] => 12
                            [day] => 28
                        )

                    [inclusive] => 1
                )

        )

)

No Posts found for specific category