Vakadomobula na sisi nei Vatuvula kei Vatusolo

SA MAI yala toka na noda i talanoa e na gauna sa tukuna kina o Tui Vuda ki vei ira na lewe ni koro ko Namara, Vuda e na yanuyanu ko Wayasewa, me ra vakasobura kece na i yaya ni vale kei na kakana mai na waqa ni matanitu e rua, na Golea kei na Dausoko.

Ni tei wiliwili sara yani:

E kaya o Qasenivuli Vakacegu Epeli Rawaqa ni gauna era sa sobu kece tu kina ki vanua na i yaya ni waqa, era sa qai lomavata na turaga me ra sa vaqara mada yani e dua na yasa ni yanuyanu me la?ki duri kina e dua na nodra koro vou.

Tomana ni rua na nodratou baravi o Warowaro vata kei Wato e rau tiko ga vakalailai e liu mai na nodratou koro makawa.

?Kevaka ko ni vinakata, meda toki ki Warowaro se ki Wato, na kena lewa au sa tukuna yani qo vei kemuni.

?Ia, na yabaki oya e ratou se bula voli kina na neitou qase.

?Oti, sa ra qai tukuna tale e so na neitou qase, me keimami sa toki ga ki Naboro, ka sa mani vakabau me keimami sa toki kina e na siga o ya,? kaya o Rawaqa.

Kuria ni sa qai tukuna vei ira na qase me sa na lose e dua na yaqona me nodra i tatau ki vei ira na nodra qase ka ra sa davo galugalu koto e na nodra i bulubulu, e na koro ko Namara.

Oti o ya era sa vakadonuya kece na turaga, me sa lose na nodra yaqona ni tatau, e na nodra sa na biuta na nodra koro dina, me ra sa gole ki Naboro, na nodra koro vou.

Tomana ni sa qai ciqoma na nona i tubutubu turaga na yaqona, taki sara ka ra gunu kece na turaga era tiko e loma ni vale.

?Maca ga na yaqona, au sa tukuna sara vei ira na turaga me keimami sa la?ki vakavodo e na boto ka gole yani ki Naboro.

?Ni keimami sa yaco ki Naboro, au sa qai tukuna vei ira na veivuvale me ra vaqara madaga e so na ruku ni veivunikau me ra bau vakaruru toka kina,? kaya o Rawaqa.

Kuria ni tiki ni qele ko Naboro e se veikau vinaka sara tu ga ka sega ni dua na vanua galala me tu kina.

Tomana ni ra sa qai lako na veimata vuvale ka ra la?ki vakaruru toka e na ruku ni vunikau, ra kalougata e so na vuvale ni ra kauta toka yani e so na tiki ni laca, ka ra vesuka me rawa ni ra vakaruru no kina.

?Bau cava tu na drovaka na veivaluvaluti mai na ceva kei Lepanoni e na vakaloloma ni keimami i rairai,? kaya o Rawaqa.

Ena qai kuri tale yani

More Stories