Vakadivilivili ni Batiki ena soqo ni marama

Listen to this article:

Vakadivilivili ni Batiki ena soqo ni marama

E SEGA ni vakayagataki e na neitou yanuyanu e dua na wainimate ni co ca, se ka ni vakabulabula ni teitei, ka vakatokai tiko kina na neitou yanuyanu me organic island.

Oqori na veika e vakamacalataka toka mai o Varanisese Vukidonu e dua vei iratou na marama ka gole tiko mai na macawa sa oti.

E kaya o Vukidonu ni nodratou tikina e ratou kauta tiko ga mai na ibe ka dau kilai tani kina ko Batiki, a ya na vakadivilivili.

Tomana ni dua talega na mataqali waiwai e ratou volitaka tiko e dau vakau sara tiko ki Bolatagane me ra la’ki lumuca na dauqito mai kea.

Kuria ni kau sara na qele ki vanuatani me la’ki dikevi, ka vakadinadinataki mai kina ni sega ni vakayagataki kina e dua na wainimate.

E ratou volitaka tale tikoga na waiwai niu (virgin oil) ka toso sara tiko vakavinaka e na siga tolu ni vakaraitaki cakacaka ni liga.

“Keimami dau solesolevaki ga e na gauna keimami dau cakava kina na neimami cakacaka ni liga, se me buturaki e dua na cakacaka e na loma ni soqosoqo vakamarama.

“Keitou vakavinavinaka vakalevu vei ira na marama e na neitou digitaki mai na loma ni yasana me keitou matataka mai na neitou Tikina, baleta ni mai tadola na neitou rai e na veimataqali cakacaka ni liga tale e so, ka keitou sa na la’ki vakavulica e na neitou lesu oqo ki na neitou tikina,” kaya o Vukidonu.

Tinia na nona i vakamacala ni gauna oqo, era sa vakavulici tiko o ira na gone yalewa kei ira na vakawati vou me ra kila tiko na veimataqali cakacaka ni liga, ka vakabibi na nodra kila na talia na vakadivilivili, ka dau kilaitani kina ko Batiki.

Array
(
    [post_type] => post
    [post_status] => publish
    [orderby] => date
    [order] => DESC
    [update_post_term_cache] => 
    [update_post_meta_cache] => 
    [cache_results] => 
    [category__in] => 1
    [posts_per_page] => 4
    [offset] => 0
    [no_found_rows] => 1
    [date_query] => Array
        (
            [0] => Array
                (
                    [after] => Array
                        (
                            [year] => 2023
                            [month] => 12
                            [day] => 29
                        )

                    [inclusive] => 1
                )

        )

)

No Posts found for specific category