Vakadeitaka na nomu vakabauta

AISEA 2: 3: Ki Mitzion Tetzei Tora Udivar Mirushlayim

For out of Zion shall go forth the Law and the Word of the Lord from Jerusalem.

Ni na lako yani mai Saioni na i Vunau kei na Vosa i Jiova mai Jerusalemi.

Ena Same 24: 1 A nei Jiova ko vuravura kei na ka kecega sa Sinai kina, a veivanua kei ira era sa tiko kina.

Ni sa bula vinaka tale mai na wekaqu, sa ara na yadra.

Na Same oqo ( Same 24: 1) e dusia ni vanua e kena i balebale e rua na ka.

Nai matai; na qele kei na ka kecega era tu kina.

Na kena i karua, o keda na tamata.

Na i balebale ni vosa oqo na Vanua; e dua na uma tamata ra tiko ena dua na vanua ka duavata na kedra uma qele, ka qai maroroya tiko na kena veiwekani, na kena vakabauta, na kena i tovo, na bula kei na kena vosa.

Kemuni na wekaqu, mai na veiyasai Viti, oqo saraga na uto ni nodra bula na noda qase ena gauna e liu.

Era dau dabe dei tokaga ena yavu bibi oqo.

Na yavu cava? Na kena i sau, sai koya na nodra dau maroroya dei tokaga na nodra bula ni veiwekani, vakabauta, na i tovo kei na kena vosa talega.

O koya saraga oqo na ka e dau maroroi ira sara tikoga ena gauna e liu mai na bula ni kakaseresere eda sa vakila tu ena gauna nikau.

O koya saraga oqo e dau maroroi ira sara tikoga mai na bula ni duidui kei na bula ni tatawasewase me vaka e se yaco tu ena gauna nikau. E dua na ka bibi e dau kune votu vei ira ni ra dau vakadeitaka vakavinaka tikoga na nodra bula ni vakabauta.

Ka ra qai dau toso tikoga vakamalua.

E dina ga ni ra dau toso tikoga vakamalua, ia, era dau bula voli ena bula e kaukauwa, na bula e qaqa kei na bula e sega ni druka.

Era sega sara ni druka vakarawarawa, ena dau colata voli na i tavi ni nodra vanua vata kei na i tavi ni lotu.

Na vuni nodra dau sega ni druka vakarawarawa tiki kina baleta ni ra dau vakadeitki ira tikoga vua na nodra Kalou Levu ko Jiova. Era dau vakadeitaka tikoga na nodra bula vakabauti koya.

Oqo saraga na yavu- va – Kalou.

O keda na i Taukei, o keda na kawa ni tamata kacivi – vosa bibi

Eda kacivi ka digitaki mai vua na noda Kalou levu ko Jiova.

Eda kacivi me vakataki ira na Isireli.

Era vakamataqali, vakayavusa, ka vakaitokatoka talega me vakataki keda saraga na i Taukei.

O ira na Isireli- ni ra dau vakadeitaki ira vakavinaka sara va na yavu bibi oqo era dau qaqa yarayara va na veivalu kecega era dau la?ki valu kina.

Ni kevaka mada ga e dua na matanitu e dau via tuvai valu mai vei ira era sega ni dau rere se dau yalo lailai.

Era dau lako ka valu tikoga e na kaukauwa ni nodra Kalou.

Ena II ni Veigauna 20, e rua na matanitu o Moapi kei Amoni- rau via valuta na yavusa ko Juta – e liutaka tiko o Jiosafati na Tui,

E dei vakavinaka sara tikoga na nona vakabuta na Tui oqo ko Jiosafati.

E solia na nona i vakaro mera lolo vua na nodra Kalou Levu.

Ni ra vakadeitaka tikoga na nodra vakabauta, e qai sauma saraga vei ira na Kalou na nodra lolo.

Tukuna vei Jiosafati na Kalou se vei ira na Yavusa ko Juta- Dou tuva, dou vakaukauwataki kemudou, au na valu ena vukumudou.

Na i vakaro se i vakasala ga kivei keda na i Taukei, ni sa roro tiko mai oqo na gauna ni veidigidigi na noqu i vaksala ga oqo.

Me da lolo, ka masumasu ga vakalevu.

Me da vakataki ira na Yavusa ko Juta.

Me da na vakadeitaki keda tiko ki vua na noda Kalou ko Jiova eda na cakava ga na ka e dodonu me da na cakava.

Eda na sega ni na cakacaka vakaveitalia. Ni da vakadeitaki koya tiko o Aisea na Parofota vua na nona Kalou eqai tukuna tiko na nona i tukutuku ena Aisea 62: 1-7 ? Ena vuku i Saioni, au na sega ni tiko lo ena vukui Jerusalemi, au na sega ni vakacegu rawa.?

Na i balebale ni vakasama bibi oqo ni sa sega ni qai vakacegu rawa ko Aisea. Ena masumasu ka lolovaka tiko na nona vanua ena veigauna kecega. Oqo saraga na i wali ni noda leqa o keda na tamata vakabauta.

E sega ni qai dua tale na digidigi vei keda. O keda eda sa na ravi ga vua na Kalou me vakataki ira na Isireli.

Meda masulaka ka lolovaka vakalevu na veidigidigi esa roro tiko mai oqo, baleta me kakua ni yaco kina na i naki vakatamata ka me na yaco tikoga kina na i naki va- Kalou.

Emeni.

Ena qai kuri tale ena macawa mai oqo.

Naba ni talevoni mo ni veitaratara mai kina : 9590439/9204915 kei na Digicel na 7598788.

ends…

More Stories