Vakacagau na veisiko ni SODELPA

RATOU veisiko wavoki tiko ena noda vanua ena gauna oqo na i soqosoqo ni SODELPA ka ra liutaka tiko na Gone Marma Bale na i Liuliu ni To ni Veisaqa o Ro Teimumu Kepa ka sa tekivutaki tiko mai na Moniti oqo.

RATOU veisiko wavoki tiko ena noda vanua ena gauna oqo na i soqosoqo ni SODELPA ka ra liutaka tiko na Gone Marma Bale na i Liuliu ni To ni Veisaqa o Ro Teimumu Kepa ka sa tekivutaki tiko mai na Moniti oqo.

E vakadeitaka mai e dua na i tukutuku ni veisiko oqo e okati kina na nodra sikovi na lewe ni soqosoqo e na veiyasana ka okati kina o Tailevu, Tailevu North, Ra, Ba, Yasawa, Nadroga kei Serua e na i karua ni wasewase ni nodratou veisiko.

E vakaraitaka na vunivola liu ni To ni Veisaqa o Mick Beddoes ni veisko oqo e na taura e lima na siga ka bogi va ka na vakayacori kina e 55 na bose ka ratou na vakayacora na va nai lawalawa lewe ni palimedi kei ira na vakailesilesi era veitokoni vata kaya kina.

Kaya o Beddoes ni tukutuku e tauri mai e na veibose sa vakayacori oti e veivakauqeti sara ka vakamatatataka ni sa mua donu tiko na SODELPA e na nona veisemati tiko ira na lewenivanua ena veiyasana.

Kuria ka kaya ni sa tekivu mera vosa cake na lewenivanua ka ra sa kauwai vakalevu e na i yaloyalo dina ni Matanitu kei na vanua esa mua tiko kina e na gauna oqo.

Ko iratou na lewe ni palimedi e ratou veisko tiko oqo e oka kina e nani Matai ni Lawalawa o Ro Teimnumu Kepa, Ratu Suliano Matanitobua, Niko Nawaikula; Karua ni Lawalawa – Viliame Gavoka, Ratu Sela Nanovo, Ro Kini Kiliraki; Katolu ni Lawalawa – Ratu Isoa Tikoca, Mosese Bulitavu, Anare Vadei; Ka va ni Lawalawa – Jiosefo Dulakikverata, Mikaele Dulakiverata kei Aseri Radrodro.

More Stories