Va na yabaki veitaravi

A MAI tekia tale e dua na i sausau vou na noda matatimi qaqa ni Viti (Fiji Airways Fiji 7s) ena nodratou qaqa vakaveitaravi ena i ka va ni gauna ena sotasota ni Cathay Pacific/HSBC Hong Kong Sevens ena nodratou vakadrukai Kenya ena 24 kei 12 ena fainala levu.

Ena kena vakaruataki tale na fainala mai Vancouver, A tabaka rawa na timi ni Viti e va na sikoa ka ratou mai veisivi kina kei Sauca Aferika ena tolu na poidi ena tuavtuva ni poidi ka ratou mai rawata kina nai katolu ni nodratou i covi ena sotasota ni 2018 qo.

A tukuna o Jerry Tuwai na kavetani ni timi ni Viti ni vakavinavinakataki ratou na nona cauravou lewe ni timi ena qito vinaka e ratou vakayacora.

“Hong Kong is always special for us, we respect and honour the tradition that Fiji has with the Hong Kong Sevens.”

O Hong Kong e dau duatani vei keimami, keitou rokova ka doka na i vakarau nei Viti ena qito lewe ya vitu e Hong Kong, Oya na veika e vakaraitaka o Jerry Tuwai ena nona vakatarogi tiko ni oti na qito mai Hong Kong.

A rawata na varasa o Sauca Aferika ena nodratou vakadrukai Niu Siladi ena 29 kei 7, ka mai ka lima o Argentina ena nodratou vakadrukai USA ena 14 kei 12.

Ena vakayacori tiko na sotasota ni Sigapoa 7s ena i ka 28 kina i ka 29 ni Epereli ni cava tiko na sotasota ni Commonwealth ka vakayacori tiko ena Gold Coast.

E ratou sa vakarautaka tale tikoga na noda matatimi me ratou na lave rara talega ena maacwa qo mai Ositerelia ena sotasota ni Commonwealth.

More Stories