Va na beleti nei Joshua

ESA mai qaqa ena poidi ko Anthony Joshua vei Joseph Parker ena veivacu ni vuravura ka valataki tiko kina na beleti ni IBO, WBO, WBA kei na IBF.

Ena gauna qo esa mai 21 na qaqa nei Joshua ni oti na nona vakadrukai Parker ka sa bolei Deontay Wilder me rau na veivacu tarava.

Nai matai talega ni gauna vei Joshua me na qaqa ena poidi ka sega ni vakacibari koya na kena i sa ka tukuna talega ni dua na veivacu vinaka e a mai vakayacora o Parker.

A mani vakatarogi o Joshua se na gole ki Amerika me na la?ki sota ke Wilder, a mani sauma o Joshua ni vinakata o koya me na gole mai ki Igiladi o Wilder.

Ia, e tomana o Joshua ni dua na veivacu vinaka esa mai rawata rawa oya ka dua na vuli vinaka vei ratou na nona timi ia e ratou sa na vakavakarau vinaka ena veivacu tarava.

Ia, e na namaki ni rau na veivacu tiko o Joshua kei Deontay Wilder ni se bera ni cava na yabaki qo.

More Stories