Tu vakarau me buli na vunivalu kei Bau

ESA tu vakarau na Roko Tui Bau esa qai vakatikori ga qo, Ratu Timoci Taniela me na vakayacora na nona i tavi vakavanua.

 Oqori na veika e kacivaki tiko ka rogoci tiko ena veitabana ni tukutuku eso. A tukuna o Ratu Timoci ni sa tu vakarau me na vakatikora na Turaga Na Vunivalu mai Bau na turaga ni matanitu vanua o Kubuna. Ia, e na waraka o Ratu Timoci na nodratou veidigitaki na yavusa Tui Kaba se ko cei esa na rawa ni tawana nai tutu vaka Vunivalu.

A se lala tu mai na i tutu vaka vunivalu ni Bau mai na 1989.

Nai otioti ni vunivalu kei Bau ko Ratu Sir George Kadavulevu Cakobau. A taura tu nai tutu oqo ena loma ni 30 na yabaki me yacova na nodra mai takali ena 1989.

Esa mai lumuti oti ka vakayacori na veiqaravi vakavanua vei Ratu Timoci ena vula sa oti mai na yanuyanu o Bau ena vuku ni tutu vaka Roko Tui Bau.

 Era  a veiqaravi kina na Yavusa Ratu kei na veiwekani era veisemati vakavanua. Na veiqaravi talega e vakayacori mai Bau e ra kena i sevu kina o Ratu Timoci me ara lumuti ga ena waiwai kina i tutu vakavanua oqo, ka ra sega ni gunuva na yaqona vakaturaga ka dau tiki tu ga mani veiqaravi vakavanua ena vuku ni veibuli vakaturaga e Viti.

Ni oti na nodra vakatikori ena itutu vaka Roko Tui Bau ko Ratu Timoci ena kena vakayacori na veivosa ni veivakamenemenei vakatuarga kei na veivakadeitaki ena kena tuberi na kamunaga e matanataki tiko kina na kena gadrevi me sa na tawani tale na i tutu ni Vunivalu na Tui Kaba.

More Stories