Tu vakarau

Update: 11:25AM KEITOU sa tu vakarau me keitou na la�ki veiraravui kei iratou na i taukei ni bilo cecere na HFC Bank Farebrother Cup ki Lawaqa Park, e Sigatoka e na mua ni macawa oqo.

E vakadeitaka mai na i tukutuku oqori na dauniveivakatavulici ni timi ni Suva o Saiasi Fuli.

E kaya o Fuli ni marautaka sara vakalevu ni ra sa lesu tale yani na cauravou ka ra a la�ki matataka na noda timi ni vanua, ka ra sa vakaukauwa yago tale tiko e na macawa oqo.

Tomana ni sega ni dua e mavoa tiko vei ira na cauravou, ka ratou sa biuta vata tiko e dua na i tuvatuva me rawa ni rawati kina na qaqa.

E kaya o Fuli ni gauna e ratou qai yacova mai kina na semifainala, e sa levu sara ga na mavoa e kune vei ira na cauravou, ia, sa vakavinavinaka vakalevu ga ni ra sa bulabula vinaka mai e na gauna oqo, me rawa ni ratou vorata kina na kaukauwa e tiko vei iratou na cauravou ni Nakuruvakarua.

�Timi ni Suva e sega soti ni dau levu kina na veitokoni baleta ni timi ni Koro Turaga, ka sega ni tautauvata kei na BLK Nadroga baleta ni timi ni vanua.

�O ira ga na cauravou e ra sucu, susu, ka vuli e Suva e ra na dau nanuma tikoga na timi oqo.

�Kevaka keitou sa rawata mai e na yabaki 2012, e na rawa ni vakaruataki e na yabaki oqo, ia, e sa na vakatau sara ga vei ira na cauravou e na veika e ra na matanataka e loma ni rara,� e kaya.

Kuria o Fuli ni sa tu na nona vakanuinui vei ira kece na dau veitokoni ki na timi oqo ni ra na gole yani vakalewelevu ki Lawaqa Park e na siga Vakarauwai oqo me rawa ni ra la�ki vakadinadinataka kina na qito rakavi ni yabaki.

Tinia ni sa tiko na vakabauta vei ira na cauravou ni rawa ni ratou na veisautaka na mata ni mau ni uvuci na sici e na i otioti ni miniti mai Lawaqa Park e na Vakarauwai.

Ia, e vakamacalataka o Esala Nauga na dau ni veivakatavulici ni timi ni BLK Nadroga, ni ratou na sega ni tauri Suva sara vakamamada.

E kaya o Nauga ni sotasota ni HFC Bank Farebrother Cup e sega soti ni dau rawarawa toka na qitotaka, ka ni ra sa vakavakarau vinaka sara tikoga na veitimi e ra via la�ki kovea tiko mai vei iratou na bilo oqo.

Tomana ni ra sa kila tale tikoga na cauravou na bibi ni nodra taqomaka tiko na bilo, e na nodratou a qaqa mai vei Naitasiri e na yabaki 2009.

�A mai dabe e Nakuruvakarua na HFC Bank Farebrother Cup e na yabaki 2009 ni bera ni ratou mai kauta na timi qaqa ni Suva e na yabaki 2012, ka keitou qai la�ki vakasuka lesu tale mai ki Nakuruvakarua e na yabaki ga ka tarava (2013) me yacova sara tiko mai na yabaki oqo.

�Na vuna o ya e sa vakabibitaki tiko kina vei ira na cauravou me ra na vakaraitaka vei Suva e dua na qito vinaka me rawa ni ratou kua ni laveta kina na rara,� e kaya.

Sa tu na nona vakanuinui o Nauga ki vei ira kece na dau ni veitokoni kina timi tagane ni BLK Nadroga, me ra gole yani vakalewelevu e na Vakarauwai oqo ka la�ki tokona na nodra timi ni vanua. E rau na sota tiko na timi e rua oqo e na 3 na kaloko e na yakavi ni siga Vakarauwai, e Lawaqa Park mai Sigatoka e na mua ni macawa oqo.

More Stories