Tovolea o Viti me na toso cake ena itutu

E RATOU na qaqarauni ena veiqito kece e ratou vakaitavi kina na timi ni netball ni Viti ena sotasota ni Commonwealth.

E tukuna o Lusiana Rokoura na kavetani ni timi ni veicurumaki vinaka na goneyalewa gone kei ira era sa qito wasoma tiko mai ena timi ni netball qo.

E kuria o Rokoura ni ratou sa vakavakarau vinaka tiko mai ka ratou namaka na sota qo ni Commonwealth e dua na sotasota me ratou na vakaraitaki ratou kina kei na nodratou vakavakarau ena sota ni Oceania.

A tukuna talega o Rokoura me ratou na vakavinakataka na vanua e ratou dabe tiko kina ena tuvatuva ni veitimi ena noda vuravura.

E ratou dabe tiko na noda goneyalewa ena i ka 12 ni itutu, ena nodratou lutu mai na i ka 6 ni itutu ni a cava na sotasota ni Netball World Championship mai Okaladi e Niu Siladi ena 1999. Na timi ni Viti e oka tiko ena Tobu A kei na timi ni Ositerelia, Jaimaca, Sauca Aferika, Barbados kei Northern Ireland.

Ia, e vakaraitaka ko Vicki Wilson ena nona vakatarogi tiko ena Radio New Zealand ni sa qai matai ni gauna me ratou vakaitavi kina ena sotasota ni Commonwealth mai na 2006 ka na vukei ratou kina ena nodratou vakavakarau ena sotasota ni Oceania Championships, kei na qito ni kena sagai na qito ena sotasota ni vuravura ena yabaki mai oqo.

More Stories