Totoka na veiqaravi

NA i naki levu duadua ga ni neitou bisinisi me keitou qaravi ira vinaka na neitou dauvolivoli ena loma ni yasana o Naitasiri. Oya na veika e vakaraitaka o Vishal Narayan na manidia ni Narayan Motors e Sawani.

E kena i tini o Narayan Motors ena sere lori, caka taya, sema kaukamea (welding) ena kena vakatagedegede vinaka duadua. E ratou a tauyavu ena 1985 ena i nakinaki ga ni veiqaravi vei ira na lewei Naitasiri ka dabe tiko na nodratou igunugunu ni benisini e Sawani ni sivi ga yani na itikotiko ni ovisa ena tolo ni gaunisala na Sawani Serea Rd. E ratou volitaki yaqona mamaca talega, na kena e tuki rawa kei na kena e sa bera ena i sau vinaka duadua. Na Narayan Motors esa rabailevu sara na nona veiqaravi ena gauna qo ni sa tiko talega na nodratou sitoa ka volitaki kina nai coi ni kakana, wainigunu batabata ka ganita na draki katakata eda lako curuma tiko qo, kei na veiyaya vakalivaliva me vaka na cina livaliva kei na vuqa tale.

Ena loma ni 33 na yabaki ni nodratou veiqaravi e tiki tikoga ni nodratou veiqaravi ena kena tovolei me ceguvi na nodra gagadre na lewenivanua ena loma ni yasana o Naitasiri kei ira era vakayagataka na gaunisala na Sawani Serea Rd. Kevaka mo muria cake na gaunisala na Sawani Serea Rd mo kua ni guilecava mo na sikova sara na i gunugunu ni benisini nei Narayan kei na nona sitoa e Sawani.

More Stories