Tokona o Uate

A TOKONA o Akuila Uate na vakatulewa e mai caka ena nona timi e liu me sa kavetani ko Sione Mata?utia ena timi ni Knights ka se qai yabaki 20.

Ena nona sa mai vakacegui o Trent Hodkinson me na cici ena loma ni rara ena timi ni Newcastle ena loma ni 24 na auwa ena sota kei na Cowboys, a mani digitaki o Mata?utia me sosomitaki koya ena i tutu ni kavetani ka nona i tutu na ?halfback?.

Na nona vakatulewataka o Nathan Brown me sa kavetani o Mata?utia e kena i balebale qo ni o koya e cauravou gone duadua me kavetanitaka na timi ni Knights ena loma ni tolu na taba yabaki sa oti.

Ena nona mai marautaka na nona sa mai tiko ena Vualiku ni baravi, o Uate e dau veitaratara wasoma kei Mata?utia me tekivu mai na gauna e biuta kina na timi ni Knights ka dua vei ira na i matai me rogoca nai tukutuku qo.

E tukuna o Uate ni vakabauta ni ganiti Sione vinaka me kavetani, ka ni se gone ia e dau nuitaki ka a vosa vei koya o Uate ni sa bera na qito.

E kuria o Uate ena nona vakaraitaka ena NRL.com ni e dina ni na vulica eso na ka lalai ena nona kavetanitaka na timi ni Knights ia ena tauri koya beka ga e dua na qito esa na rawa ni taucoko ena nona i tavi vaka kavetani.

O Uate esa dau tokona voli ga na nona timi e liu oya na timi ni Knights ni oti na nona vakacegu mai kina ka la?ki vakaitavi ena sotasota ni Intrust Super Premiership ena yabaki sa oti.

Ia, e tukuna o Mata?utia ni doka sara vakalevu na nona sa mai digitaki me kavetani ka tukuna ni a dau vinakata voli mai me kavetanitaka na timi qo ni Knights.

More Stories