Tekivu vou na Bose lawa

ENA siga Moniti ni macawa oqo esa mai dolavi na palimedi ka mai dolava na Peresitedi o Jioji Konrote.

E mai digitaki talega kina me na taura tale na i tutu ni Sipika o Vuniwai Jiko Luveni.

A mai digitaki o Vuniwai Jiko mai na yasa ni matanitu, ka rawati kina e 27 na digidigi.

Mai na i To ni Veisaqa e 24 na digidigi era a tokona na yacai Tanya Waqanika me vaka ni vakatura mai na yasa ni to ni veisaqa.

Esa mai digitaki talegame mai i vukevuke ni Sipika o Veena Bhatnagar.

E vakavinavinakataka o Vuniwai Jiko na veivakabauti vua ka nuitaka ni ra na cakacaka vata kei ira na lewe ni Palimedi ena kena cicivaki vinaka na Bose Lawa ena va na yabaki ka tu mai liu.

E vakavinavinakataki iratou na nona vuvale kei na valenivolavola ni Palimedi ena nodra veitokoni.

More Stories