Tauvimate na gonevuli mai Navesau

ENA gauna qo era sa la?ki kerea mai na veivakadonui na gonevuli ni Navesau Adventist High School vei ira na nodrai tubutubu me ra mai cula ena tatarovi ni mate dewa ka vakatokai tiko na ?meningococcal?.

Na vu ni nodra kerei na gonevuli me ra la?ki veivosaki kei na nodra itubutubu ena vuku ni nodra veivakadonui me ra mai cula e koronivuli ka ni a tauvimate e va na gonevuli mai kea ena mate rerevaki qo.

Ia, e ratou sa veiqaravi tiko ena gauna qo mai na Navesau Adventist High School na vuniwai ena nodratou la?ki vakadikeva tiko se vu ka dewa vakacava vei iratou na gonevuli na mate qo.

Na i lawalawa vuniwai qo e ratou a gole yani ena Minisitiri ni Bula ka ratou vakatokai tiko na ?Medical Services Central Outbreak Response Team? ka kena i liuliu tiko ko vuniwai Penasio Rounds.

Na koronivuli qo era curu bure tale tikoga na kena gonevuli ka tiko na kedrai wiliwili ena 300 na gonevuli. Ia, era sa veitomani tale tikoga na tabana ni wai ena kena laurai vakamatau se vu vakacava na kena dewa ena koronivuli na mate vou qo. Na mate qo e dewa tikoga mai na wai ni yago, buno ni yago, na weli ke dua dau veireguci ka tauvi koya tiko na mate qo, vakayagataki vata ni bilo e gunu kina o koya e tauvi mate, ka sa dodonu meda na qaqarauni tiko kina.

Ia, e ratou sa daumaka tale toka ena valenibula na gonevuli lewe va ka tauvimate mai Navesau ena gauna qo.

More Stories