Taleitaki na nodratou yacova na semi fainala

E VAKAVINAVINAKATAKI iratou na nona goneyalewa lewe ni timi ni Fijiana ko Iliesa Tanivula na dauniveivakatavulici ena nodratou soli bula ena gauna ni keba ni vakavakarau ena qito ka vakavuna me ratou yacova ena i matai ni gauna na semi fainala ni HSBC World Rugby Women?s Sevens Series mai Kitakyushu ena mua ni macawa sa oti.

E kaya o Tanivula ena nodratou mai yacova na semi fainala na timi ni Fijiana ena i matai ni gauna ka lako vata ena nodrau toqai e rua na goneylewa ena timi ni tadra esa i vakaraitaki ni cakacaka kaukauwa e ratou biuta vata na dauqito.

E kuria o Tanivula ni ratou cakacaka vata na nona goneyalewa e dina ga ni levu na gauna e sotavi na dredre ena sotasota.

E tukuna o Tanivula ni ratou qito vinaka ena nodratou sota kei na veitimi rogo e vuravura esa vakaraitaka na nodra solia na nodra dina na dauqito ena qito.

E rau a mai digitaki o Ana Maria Roqica kei Miriama Naiobasali ena timi tadra ena sotasota qo. E ratou sa na tadu lesu mai ena noda vanua ko ira na noda goneyalewa lewe ni timi ni Fijiana ena macawa qo.

More Stories