Sota o Viti kei Niu Siladi

E RATOU sa mai biuta oti na noda matasawa na matatimi ni Vodafone Fiji U20 ena nodratou la?ki vakaitavi ena sotasota ni ?Oceania U20s Rugby Championship? mai na Gold Coast e Ositerelia.

Oqo esa i katolu ni yabaki ni sotasota qo ka sa rabailevu sara na nona veiqaravi ka ni rau a qito tiko kina o Viti kei Samoa ia ena gauna qo esa curu talega mai kina na timi ni Niu Siladi kei Ositerelia na vanua e vakayacori kina na qito oya ena Bond University ena Gold Coast.

E vakaraitaka ko John O?Connor na daunilewa ni valenivolavola ni rakavi unioni ni noda vanua (Fiji Rugby Union) ni yaga vakalevu na sotasota qo vei iratou na noda cauravou ka ni na vukei iratou ena nodratou qito ena kena vakarautaki na qito ni vuravura vei ira na itabagone mai Uruguay ena yabaki qo.

E kuria o O?Connor ni oqo e i matai ni gauna me vakaitavi kina na Vodafone Under 20 ena dua na mataqali sotasota vakaoqo ka sa dua na veivakatorocaketaki levu vei ira na dauqito ka na vukei ira me ra cakacaka vakaukauwa me yacova na nodra rawa ni la?ki qito ena timi ni Fiji Warriors ka dewa sara yani kina Flying Fijians.

A solia talega na nona vakanuinui vinaka o O?Connor ena nodra sa biubiu na noda cauravou yabaki 20.

E rau na sota tiko ena matai ni nona qito o Viti kei na timi ni Niu Siladi ena i ka 28 ni Epereli ena Vakaraubuka qo.

Ia sa koto oqo era na yacadra na cauravou lewe ni timi ni Vodafone Under 20.

Lewe ni timi ni Vodafone Under 20:

Isaac Cavu, Immanuel Naciva, Josefa Salabogi, Apakuki Naivanawalu, Luke Tagi, Semi Navutu, Ratu Veremalua Vugagoto, Temo Mayanavanua, Tevita Baleiwai, Raikabula Momoedonu, Ratu Meli Devenalagi, Saimoni Uluinakauvadra, Samisoni Rabuka, Apisalome Bogidrau, Ratu Peni Matawalu, Peniasi Yaubale Ratu, Filimoni Botitu, Fabiano Navabale, Filimoni Savou, Viliame Rokobuli, Salimoni Tukania, Veramu Dikedikelati, Poniani Batiniu, Tira Patterson, Viliame Tuidraki, Peceli Vukatavo

Sotasota ni 2017 Oceania Rugby U20s Championship:

Matai ni rauni, Vakaraubuka, 28 ni Epereli

Viti kei Niu Siladi, 5pm AEST

Ositerelia kei Samoa, 7pm AEST

Karua ni rauni, Tusiti 2 Me

Niu Siladi kei Samoa, 3pm AEST

Ositerelia kei Viti, 5pm AEST

Katolu ni rauni, Vakarauwai 6 ni Me

Samoa kei Viti, 5pm AEST

Ositerelia kei Niu Siladi, 7pm AEST

More Stories