Sota e liu kei Toga tarava o Samoa

E RATOU sa na tekivu keba tiko nikua na matatimi ni Vodafone Flying Fijians ena nodratou na vakavakarau kina sotasota ni Pacific Nations Cup ena vuku ni qito me rawa ni vakaitavi ena qito ni vuravura ena sota kei Toga kei Samoa.

Ni oti na nodratou a qito vinaka ena Jiune qo ena sota kei na timi ni Ositerelia, Itali kei Sikoteladi. Ena macawa sa oti e vakaraiatka e dua na qito kaukauwa na timi ni Viti ena nodrau a veitavulaki kei ratou na cauravou ni Sikoteladi ka mani suruta na vusi na nodratou sasaga na mai bolebole ni ratou dei na noda cauravou ena nodratou viriviribai me yacova ni cava na qito ena toba e Laucala.

E vakavinavinakataki ratou na nona cauravou o John McKee na dauniveivakatavulici ni timi ni Viti ena kaukauwa ni qito e ratou matanataka vei ira na dauveitokoni era vakadinadinataka ena rara mai Laucala ena ANZ Stadium.

Ena la’ki qito tiko i Nuku’aloga mai Toga ena i ka 8 ni Jiulai ni bera ni ratou qai la’ki qito tale ki Apia e Samoa ena i ka 15 ni Jiulai.

Ia, ena tekivutaki tiko na qito ni Pacific Nations Cup ena Vakarauwai qo ena nodrau na sota tiko o Toga kei Samoa ena va na kaloko mai Nuku’alofa, Toga.

More Stories