Soqovi o Nadroga, Navosa kei Malolo

Update: 12:31PM

ESA na soli tiko na nodra i loloma na cauravou ni timi ni rakavi ni yasana o Nadroga, Malolo kei Navosa ena Vakaraubuka ga oqo ena soqo ni Adi Nadroga/Navosa ka na vakayacori tiko ena rara ni koro o Nahigatoka kei ira na cauravou lewe ni timi ni Nadroga era a lewena na noda timi ni Viti ka ra a rawata mai na koula ena qito mai Rio ena vula ko Okosita ena sotasota ni Olympics.

E tukuna o Marika Nagata e dua na komiti ni kena vakarautaki na soqo ni Adi Nadroga/Navosa ni oqo e dua na gaunisala ni nodra vakavinavinakataki na cauravou ni yasana ena i sausau era a rawata ena yabaki oqo.

�Na timi ni Nadroga e a mai taqomaka tale na bilo e rua na Farebrother kei na Skipper ena yabaki oqo, na timi ni Malolo e na nodratou vakadeitaki iratou tale ena vatavata ni qito ena Major Union kei na nodratou mai jabeni na timi ni Navosa ena i vakatagedegede ni B Division ena yabaki talega oqo.

�Ena qito lewe ya vitu, era a vica tale ga na cauravou lewe ni timi ni Nadroga era a lewena na timi qaqa ni lewe ya vitu ka cavu i sausau mai Rio.

�Keimami nanuma na komiti ni Adi Nadroga/Navosa me bau dua na i loloma ni yasana vei ira na cauravou me ra kila tiko ni nodra yasana e kauwaitaki ira tiko ka dua na gaunisala ni nodra vakavinavinakataki oqo,�� kaya o Nagata.

Era sa sureti tale tiko ga na cauravou ni veitimi me vaka na Yamacia, Baravi Zone, Vatulele, Navosa Zone kei na Sigatoka Zone me ra tomani ira na cauravou ena kena tekivutaki na tayabe mai na Sitoa nei Tappoos e na tini na kaloko  e na mataka lailai ka yaco sara ki na rara e Nahigatoka.

More Stories