Soko ki Isireli

“Mo taya e dua na nomu waqa ena kau ko fera: mo cakava me so na loqi ena waqa, ka boroya e loma, e taudaku talega ena drega.” Vakatekivu 6:14.

E na soko tiko ki Isireli na waqa ka caka me vaka saraga na waqa i Noa ka talanoataki tiko ena i Vola Tabu ia e na taura e sivia na bogi vakasagavulu kei na siga e vasagavulu.

Ena gauna esa qai yabaki 33 kina ena 1971, ko Johan Huibers e dua na Lotu Vakarisito daunibisinisi levu mai Denmark ka matai talega. E mani nakinaki kina me taya e dua na waqa me tautauvata kei na kena a taya o Noa ena i Vola Tabu.

Na turaga qo esa tiko na nona tatadra me vakagalalataka e dua na tiki ni vanua ka cakacaka voli kina me na tara e dua na waqa ka ni dau luvuluvu wasoma na yasana o Nood-Holland mai Netherlands ena vanua e vakaitikotiko kina.

Oqo saraga na ka e vakauqeti koya me na tara e dua na waqa me vaka na waqa nei Noa. Na imatai ni gauna a tara waqa kina a cakava o koya e dua ka veimama ga mai na i vakarau ni waqa nei Noa ka tara ga e ligana ka taura e dua veimama na yabaki me vakacavara kina na nona taya na waqa ka kena i sau e sivia na 1 na milioni na dola.

Na kena i vakarau e 230 na fiti na kena balavu, 31 na fiti an kena raba ka 43 na fiti na kena cere ka caka ga ena kau ka dregati ena kaukamea.

Ia, ena vica tale na yabaki mai ki liu a mani nakinaki tale o Huibers kei na walu tale na nona dauveivuke ka me ratou sa na taya na waqa ka 230 an fiti na kena balavu, 31 na fiti na kena raba kei na 43 na fiti na kena cere ka kena isau e $4.5 na milioni.

Ena kaukauwa ni nona sasaga na turaga oqo kei na veivuke mai vei ratou na nona dauveivuke a tara rawa kina na waqa qo me vaka na waqa nei Noa.
Ena 2012 a dola vei ira na lewenivanua ka soko sara vaka ki Jamani, Denmark kei Norway. Ena rua na yabaki sa oti a soko voli na waqa qo ena uciwai o Maas mai Holland ka me vaka e dua na vale ni yau maroroi ka kilai ena i Vola Tabu ia e sa qai tuvatuva ka o Huibers me na dau vakatasosokotaka.
E tukuna o koya ni nona gagadre tiko me na sokotaka na waqa qo ki Isireli.
E kaya na turaga yabaki 60 qo, ni rairai rogo vakarerevaki beka ka ni dredre toka na soko vakabalavu, ia oya na nona i tuvatuva me na sokotaka na waqa ka lavetaki ga mai na kena i bulibuli mai na waqa ni Kalou ka a taya o Noa. E tukuna talega o Huibers ni na vakaibalebale sara vakalevu me na kauta na waqa qo ki na nona vanua na Kalou.
E kaya ni nona soko qo ki Isireli ena gadrevi kina na kaukauwa vakalou.
Na waqa qo e sega ni ganita na soko e waitui ka tautauvata kei na waqa dina i Noa, e sega ni vakalaca se vakaidini.
E soko wavoki tiko ena uciwai ena kena dau tui tu ena waqa ni veitui.
Ena 2016, a saba vata kei na waqa mai Norway ka dau yadrava na matasawa ena gauna a tui voli kina ena toba mai Oslo.
Nai sau ni soko qo ki Isireli e $1.3 na milioni ia o Huibers e dau taleitaka na vanua o Isireli kei ira na lewenivanua mai Isireli.

More Stories