Sogo na vale ni veiqaravi ni wai

ERA sa cakacaka vata tiko e na gauna oqo na i vakalesilesi e na Tabacakacaka ni Yaubula kei ratou na idinia ni Manohan building ka dodonu me dua na kena macala e na noa, ka na vakavuna me tawani tale na vale, se sega.

Na vale oqo e nodratou valenivolavola liu na Tabana ni Wai (WAF), ka lewe 400 kece na kena tamata cakacaka.

Era a cvagalalataki na tamata cakacaka e keya e na siga Vukelulu na i ka 27 ni siga ni vula ko Epereli, e na nodra vakila na yavavala ni vale, ka ra na qai vakalesui tale ki cakacaka kevaka e sa laurai ni vinaka na i tuvaki ni vale.

E kaya na kena Manidia levu o Opetaia Ravai ni dina ga ni sa mai sogo tiko na vale, ia e ratou saga tiko vakaukauwa me toso tikoga na cakacaka. Kuria ni sa tomani tale tiko na vakatataro vei kemun na lewe ni vanua e na Siga Tabu e na nodratou valenivolavola mai Wailoku.

Tomana o Ravai ni ratou sa vaqara tikoe dua na vale e na loma ni tauni o Suva me ratou na veiqaravi tiko kina vakawawa, ka na qai vakadeitaki e na gauna e sa donu kina na vakatulewa.

?E dina ni keitou sa vakalala na vale oya, e na vuku ni leqataki na nodra bula ni tamata cakacaka, ia, keitou sega ni guilecavi ira talega ka ra tiko e na ruku ni neitou veiqaravi.

?Na tokitoki oqo e na vagauna ga, ia, keitou na saga me na rogoci tale tikoga na nodra vakatataro na lewe ni vanua.

?Neitou cakacaka kece e na taudaku ni valenivolavola e na sagai me kua ni cavuka, ia, keitou kerea ga na nomuni veivosoti na lewe ni vanua.

?Veitalia ga na dredre keitou na sotava, keitou sa yalataka ni na naba dua tikoga o kemuni na lewe ni vanua,? kaya o Ravai.

More Stories