Sikovi na daunibisinisi

OQO na i kuri ni talanoa ni nona dau laki veiwasei vei ira na i liuliu ni matanitu, daunibisinisi o Talatala Sepesa Niumataiwalu mai na VIP Ministry. E talanoataka tiko mai na nona sikova na daunibisinisi rogo e Suva ena 1970 ki na 1990 vakacaca o Mr Bidesi. Oqo na i kuri ni talanoa mai na macawa sa oti. Ni wiliwili sara yani.

E vaka me cudru ka kaya- Na cava ko nanuma, au sega ni rawa ni cakava na ka koya?

” I still can make it “.

Au sauma lesu, Ok na goneyalewa cava ko ni vinakata, sauma mai me goneyalewa ni idia ka me tiko na nona yabaki ni bula mai na 25 ki na 30.

Au qai taura rawa ni sega tu ni vakaluveni, ka vinakata me dua na luvena me rawa ni nona na i yau levu e tu vua, e dua ga na luvei tacina ka yacana o Peter Bidesi, ka qarava tiko na nona valenivolavola kei na i yau.

Au mani kaya io, e daru sa na lolovaka, ka masulaka me macawa rua.

Io, e tiko talega na nona ririko, ka ni sa levu sara na marama ni Idia, e sa dau lako tiko mai vua ena veisiga, ka so vei ira oqo e marama vakawati e dau kele tani ko na watina ena motoka ka lako ko marama vua au kaya lo sa qai dua na cakacaka levu.

Au la?ki kaya sara vua e dua na turaga na nona gagadre ko Mr Bidesi, ka tukuna ko koya me qai nona i tavi koya.

Ena dua na mataka ni?u baci laki sikovi Bidesi, sa lako sara mai na turaga oqo ka sa kaya mai ni sa kunea rawa mai e dua na yalewa me wati Mr Bidesi.

E goneyalewa gone sara ka tiko na nona yabaki ni bula ena 25.

Au lako sara vei Bidesi ka tukuna vua ni sa kunei e dua na goneyalewa ni Idia yabaki 25- 30, ka sa marau sara o koya.

E taroga se?u a kunea mai vei na goneyalewa oqo. Sauma ka?u kaya vua ni dua na turaga a vakaraitaka vei au ena dua na tolo ni sala ena taoni e Suva, Ia me vaka ni turaga kila e dua na ka, ka ni turaga vuku sara.

Oqori  saraga o ira na marama era tu wavoki tu ena tolo ni sala.

A kaya mai vaqo vei au o koya,? Na cava ko nanuma, koi au na noqu i rogorogo me mai watiqu tu e dua na yalewa wavoki? Ia sa malo.

Ia, sa mate na Turaga oqo ka?u sega tale ni kila mada se sa vakaevei na i yau levu ka biu tu mai ka sa gole yani vakadua.

E kaya na Maciu 16: 26

Ia ka cava na kena yaga vua na tamata, kevaka e rawati vuravura taucoko, ka vakayalia na yalona? Se na cava ena solia na tamata mei sau ni yalona?

Ena macawa mai oqo ena qai wasei yani na veisiko vua na Mafia Queen.

Na naba ni talevoni ko ni via qiri mai kina na 9285371/ 3316713.

More Stories