Sema o Trump kei Tevita na tui

“Ena vakalougatataki iko mai Saioni ko Jiova: Ia ko na raica ni sa vinaka tiko ko Jeruisalemi e na veisiga kecega ko bula kina.” Same 128:5.

Na soqo ka vakayacori saraga ena vanua ka tiko kina na bulubulu ni Tui o Tevita e dua na veisau levu e a qai kauta mai ka kena i rairai ni oqo na vuna a qaqa kina ena veidigidigi levu mai Amerika o Donald Trump me taura na i tutu vaka Peresitedi kei Amerika ka vaka kina na nona itavi ena vuku ni koro i Teivta kei na nona gauna na Mesaia.

E vakaraitaka na Rabai ko Yosef Berger, na Rabai ni bulubulu nei Tevita na Tui ena ulunivanua o Saioni, ka a tiko ena soqo levu ena yabaki rua sa oti ka vakabauta ni sema tiko na veika a yaco ena gauna oya kei na nona vakaitavi o Trump ena veidigidigi ka basika me qaqa e muri.

E kaya ni na Tui o Tevita a kilai levu ni a sotava na dredre ena gauna e vakatikori kina me Tui. Oya na veika e vakaraitaka o Rabai Berger ena Breaking Israel News. E kaya ni sema ena veika oya o Trump. E tomana ni a qai mai sema na veika oya ena gauna a qai laveta kina o Trump ka digia me nodra koroturaga na Jiu o Jeruisalemi me vaka na ka a vakayacora taumada na Tui o Tevita ena nona gauna.

Na veika me baleta na veidigidigi a vakayacori e Jeruisalemi ena Seviteba ni 2016 e levu sara na kena i balebale. A tu sara tu e muri nai wiliwili ni digidigi a rawata tu o Trump, ka a mani cavuta o ira na kena dau ni rawa ga ni dua na cakacaka mana me na qai qaqa o Trump. O ira na vakarautaka na soqo qo era a digia e dua na vanua ka sega soti ni dau sikovi tu oya e yacana na ‘Nevel David’ (Api nei Tevita) ena kena valenisoqo ka irova sobu tu na i vovo ni yavu ni valenisoro.

E vakaraitaka o Mark Zell na jeameni ni soqosoqo ni kai Isireli ka ra tu mai na veivanua tani ni dau dredre sara na kena tovolei me vakayacori e dua na soqo ena koro makawa ka vinakata me semata na loma donu kei Jeruisalemi.

Ia, a vakayacora na soqo o Zell ka kena dau talega me cicivaka na soqo qo. A tukuna talega ko David Friedman na mata ni matanitu o Amerika ki Isireli ka daunivakasala nei Trump ni vanua tabu na vanua vata ga ka a tuvatuva kina o Tevita na Tui ena 3000 na yabaki sa oti ka semata tiko ena Same nei Tevita wase 128. Ia, na vanua e bulu tiko kina o Tevita na Tui e tiko kina e dua na gusu ni qara ka basika kina vanua e bulu tiko kina na Tui o Tevita, kei na so na Tui tale ni Isireli kei na so na parofita.

Ia, esa mai dolava o Trump na tikotiko ni mata ni Amerika e Jeruisalemi ka sa dolava talega o Isireli vei ira na veimatanitu e vuravura me ra na la’ki vakatikora na nodra itikotiko ni mata ni nodra dui matanitu e Jeruisalemi ena vuku ni nodra vakavakarau me ra waraka na nona gauna na Mesaia.

More Stories