Sema na veiwekani

NA KENA vakatetei tiko na cakacaka ni Kalou e vakavuna na neitou basika mai e na koro ko Namara e na yanuyanu ko Waya Sewa e na siga e daidai.

Oqori na veika e cauraka mai ki na Na i Lalakai o Aisea Buludrau Kuruvoli na turaga ni koro ko Laselase, Nadroga ka nodratou  i Vakatawa tiko e na gauna oqo.

A kaya o Kuruvoli ni nodratou vu ni lako yani ki Namara e na macawa sa oti, e ratou lakova tikoga yani na dra nei tukadratou o Talatala Apisai Domolailai ka a sucu e na yabaki 1886.

Tomana ni a tekivu kaulotu o Tukadratou ki Niu Peritania e na gauna e se qai yabaki 28 kina, ka rau salavata kei na i matai ni watina o Alena Camoro na marama ni Naroro e na yavusa Toga, mai na yasana o Nadroga, ka dua kina na luvena.

E kaya o Kuruvoli ni a qai la?ki mate mai Niu Peritania na watina, ia e na vuku ni cakacaka, e sa qai mai taura kina na i karua ni watina o Meresimani Cavei, e dua na marama ni Nabouwalu mai Kadavu.

Kuria o Kuruvoli ni i karua ni wati tukadratou e ratou a sucu kina e vitu na gone, 3 na yalewa ka 4 na kena cauravou.

?Na gauna e sa mai leqa kina na Radini Talatala, sa qai mai taura tale e dua na marama ganedra na Tui Malake mai na yasana o Ra.

?E rau a mani vakawati ka dua kina na luvena,? kaya o Kuruvoli.

Kuria o Kuruvoli ni gauna e sa lesu tale mai kina ki Viti, e sa qai la?ki veiqaravi ki na koro ko Waivou e na yasana o Rewa, ka rau salavata voli kina kei na i karua ni watina.

A kaya o Kuruvoli ni oti ga mai Rewa, sa dewa sara o tukadratou me la?ki veiqaravi sara ki Waya Yasawa, ka bau dua vei ira na i talatala era veivuke sara ga vakalevu e na lolo kei na masumasu e na yabaki oya.

?Na neitou lako tiko mai oqo e keitou sa kauta sara tiko ga mai na i sema e tolu me vaka au sa vakamacalataka oti koto e cake.

?Na gauna talega au vosa tiko kina oqo e ratou sa tomana tikoga na i cakacaka vaka i Talatala e tolu na makubui Domolailai, a ya o Sakenasa Rakaria (Talatala Qase Vakacegu) Talatala Lorima Kuruvoli kei Talatala Luvu Domolailai ,? tinia o Kuruvoli.

ends..

More Stories