Sega ni duavata

A BASIKA na duidui levu ena loma ni vuvale vakaturaga e Nabutautau ena gauna esa rogovaki yani kina ki na i tikotiko vakaturaga e Naduguivalu na nona sa mai labati nai talai ni Kalou kei iratou na nona i lawalawa daukaulotu gone i taukei.

?E kidacalataka o Ro Vunidilo na turaga ka veiliutaki tiko e na koro makawa ko Naduguivalu ena kedrau tadrua o Nanoko kei Nabutautau nai tukutuku ni nona sa vakamatei o Misi Peka,? e tukuna ko Adi Laite Kubunadakai.

E talanoa kina Nai Lalakai ko Adi Laite ni ko Ro Vunidilo e qase vei Nawawabalavu na turaga ka kila na nona vakamatei o Misi Peka e Nagagadelavatu.

?A cudru vakalevu sara o Ro Vunidilo ka sa vakila talega na kaukauwa ni nona sega ni taleitaka na nona vakamatei nai talai ni Kalou esa vakavuna talega na nona tautauvimate,? e kaya na marama yabaki 51 qo.

E vakaraitaka o Adi Laite ni sa vakila o Ro Vunidilo ni sa cakataki tiko na kena draunikau me na leqa kina ena vuku ni veivuvutaki ena nodrau bula vakaveitacini.

E a volai tu ena i vola tukutuku kei Viti ni a mai laumoku o Misi Peka ena i ka 27 ni Jiulai 1867 e Nagagadelavatu ena nona vakadonuya ka ciqoma talega na kena tabua ko Nawawabalavu na turaga ka gone vei Ro Vunidilo.

?E kilai vinaka tiko ena gauna oya ena loma ni vanua kei Navatusila ni turagalevu ka veiliutaki tiko o Ro Vunidilo ka nona koro makawa o Naduguivalu,? e kaya o Adi Laite.

Ia, e kila vinaka talega ko Nawawabalavu ni dauloloma ko Ro Vunidilo ka na sega ni rawa me ciqoma na kamunaga ka kau tiko mai me mai vakamatei o Misi Peka.

?O ya na vuna e sega ni yaco ki Naduguivalu na tabua ka ciqomi koso ga e Nagagadelavatu vei Nawawabalavu,? e kaya.

E kuria na nona i tukutuku o Adi Laite ni nona mai labati ena dela ni soso e Nagagadelavatu o Misi Peka sa vakavuna talega na nona sa vosa ni tatau rawa tiko ko Ro Vunidilo vua na marama watina me rau kua ni qai tiko ekea na nona dratabu me rau la?ki susugi kina nodrau koro ni vasu.

?Na gauna oya e rau se lailai kina na ravouvou kei Naduguivalu ko Ratu Orisi Kubunadaki II kei Ratu Ponipate Katololo,? e kaya o Adi Laite.

E tomana na nona i tukutuku o Adi Laite ni oti e rua na yabaki na nona labati o Misi Peka kei iratou na nona i lawalawa, sa vakila na turaga levu qo ko Ro Vunidilo ni sa malumalumu sobu tiko vakamalua na nona bula.

?Ni sa voleka ni mai leqa na turaga na i taukei Naduguivalu sa kacivi Adi Lewaseni Mudeilagi na watina ka kaya ?Ni?u sa na mate qai dreta sobu ga na yagoqu ena ruku ni qara vatu oya, ubia vinaka na yagoqu ena draunikau ka drotaki rau sobu na gone qo (Ratu Orisi kei Ratu Ponipate) i Talai (na koro makawa kei Sasa e Ba) ke rau na tiko eke rau na mate,? e kaya o Adi Laite.  lTomani ena Tabana e 10 kei 11.

More Stories