Sega na cakacaka

ESA volekata sara na 50,000 na levu ni tawa cakacaka ena loma ni lima na yabaki sa oti me vaka e vakadeitaki mai na tabana ka qarava na veivakacakacakataki raraba (National Employment Centre).

E vakaraitaka na Minisita ni Cakacaka o Semi Koroilavesau ni i tosotoso ni tawa cakacaka e Viti e rauta ni 6.9 na pasede ka tautauvata ni 26,092 na tamata yadudua e sega ni cakacaka.

Kaya e sa vakarautaka kina na matanitu na vanua ni veivakarautaki na National Employment Centre me qarava na tikina oqo.,

Na i naki ni gacagaca ni veiqaravi oqo e wase i rua, e kaya o koya.

Dua oya me vakavurea na cakacaka, kei na dua tale me vukea na kena rawati mai na cakacaka.

E kaya o Koroilavesau ni ra dau vakauqeti o ira na tawa cakacaka- oya me ra laki vuli cakacaka tu ka sega ni saumi, se mera tauyavutaka ga na nodra bisinisi se vakayagataka na i yau bula e tu vei ira me ra rawata ga vakai ira na nodra cakacaka.

Vakadeitaka na Minisita ni kena sa vakarau tauyavu na technical college e Viti me rawa ni bonata na lailai ni lewenivanua e tiko vei ira na kila ena cakacaka vaka kena dau. Oqo na veika esa mua tiko kina na matanitu me na vakatorocaketaki kina na lewei Viti.

More Stories