Savu-si-vere

E DUA na wai vure vakatokai o savu-si-vere e Matailobau mai Naitasiri e sa vakadinadinataki mai vei ira na lewenivanua mai keya ni ra bulabula vinaka kina, ka sega soti ni ra dau siko vakalevu ki valenibula e Vunidawa

.Na koro oqo e rauta ni lima na miniti ni ko yacovi Vunidawa, na i tikotiko ni matanitu ena loma ni yasana levu oqo.

A vakaraitaka mai ki na Nai Lalakai ko Emoni Nawaka na nasi ka veiqaravi tiko ena valeniwai e Vunidawa ni sega ni ra dau siko yani vakalevu ki valenibula na lewenivanua mai Matailobau.

?Ke laurai mai e dua mai Matailobau koro e na valenibula ena rawa ni marama bukete se mavoa, ia na tauvimate e dredre saraga me laurai mai ke e dua,? e kaya o Nawaka.

?Ena dua na macawa era oso mai kina na veikorokoro era dau mai qaravi e Vunidawa, ia, e sega ni laurai me dua mai na koro o Matailobau me laurai,? e kaya ko Nawaka.

E tomana o Nawaka ni ratou vakaraitaka talega mai na i tukutuku vata oya na veitabana ni veiqaravi ena valenibula levu e Vunidawa ni kunekunei dredre na kena basika yani e dua na tauvimate mai Matailobau koro.

E tauri rawa ni so vei ira na vakailesilesi mai na Tabana ni Bula e Vunidawa, na veitalanoa ni mata ni wai vure oqo, o savu-si-vere ka ra vakayagataka tiko me medra wai ni gunu, e rauta ni 200 vakacaca na lewenikoro mai Matailobau

E kaya talega o Sailasa Nacika, ka nodratou na mata ni wai oqo, ni ra sa bula mai kina eso vei ira na wekadra voleka ka ra la?ki sisili kina ka ra vakadinadinataka ni sa mai yali na mate ni kuli e tauvi ira kei na veimate ni gacagaca tale eso.

E kuria o Nacika, ni dua vei ira e vakadinadinataka na mana ni wai oqo, o Bu Kini, na marama ni Nagole ka sa vakawati sara ki Saunaka mai Nadi.

?E dua vei ira na mai bula ena wai qo ko Bu Kini, e dua e kilai tani ena veitokoni na rakavi, ka marama ni Nagole ka vakawati tiko mai Saunaka, Nadi e na gauna qo,? e kaya o Nacika.

More Stories