Saini o Sau

ESA mai ciqoma e dua na nona konitaraki o Eroni Sau na wigi ni Fiji Airways Fiji 7s ena kalavo ni rakavi mai Varanise.

E sa sainitaka oti na nona konitaraki o Sau me yabaki rua ena timi ni Perpignan.

Esa qito oti vakavasagavulukaono o Sau ena timi ni Viti me tekivu mai na 2017 ka rawata kina e 165 na poidi mai na 33 na sikoa e tabaka rawa.

E tuvaki vinaka ka matua vinaka talega na cauravou ni Yasawa qo ena gauna ena qito tiko kina ena timi ni rakavi lewe ya vitu ni Viti ka vukea talega na nona qaqa oti vakava ena sotasota ni HSBC World Sevens Series.

E namaki ni na veitomani ena timi ni Perpignan o Sau ni oti na Qito levu ni vuravura ena rakavi lewe ya vitu (Sevens Rugby World Cup).

Ia, ena gauna qo e ratou vakavakarau tiko na noda cauravou lewe ni timi ni Viti ena nodratou na qarauna vinaka me kakua ni dua na cala e ratou vakayacora ena loma ni rara ni sa roro tiko mai na siga e ratou na lade kina ena loma ni rara mai Lodoni ena mua ni macawa qo.

E tukuna na dauniveivakatavulici o Gareth Baber ni dua na yasana e ratou kauwai vakalevu kina na timi me ratou na dei tiko ena vuku ni vakavakarau ki na qito.

Na timi ni Viti ena qito tiko kei na timi ni Niu Siladi, Sikoteladi kei Argetina ena sotasota vakatobu.

Na timi ni Viti ena sota tiko e liu kei Argentina ni oti na 10 ena 20 na miniti (10:20pm) ena bogi ni Vakarauwai, ka na sota tarava kei Sikoteladi ni oti na 1 ena 26 na miniti (1.26am) ena mataka ni Siga Tabu ni bera ni qai sota kei Niu Siladi ni oti na 4 ena 32 na miniti (4:32am) ena mataka ni Siga Tabu.

More Stories