Saini o Dawai ena timi mai Ailadi

Update: 11:06AM ESA mai sainitaka na nona konitaraki ko Naulia Dawai ena timi ni Connacht mai Ailadi ena sotasota ni Pro 12 kei na European Rugby Championship me rua na yabaki.

E a vakaitavi o Dawai ena timi ni Viti ena Jiune ka a mani qito tiko mai Niu Siladi ena timi ni Otago ena sotasota vakayasana mai kea.

E vakaraitaka o Pat Lam na dauniveivakatavulici ni timi ni Connacht ni o Dawai e dua na dauqito ena veivuke sara vakalevu e na nona timi.

E kuria o Lam ni a vakaraitaka o Cory Brown na dauniveivakatavulici ni timi ni Otago me baleta na nona dauqito vinaka o Dawai kei na nona i tovo vinaka.

Ia, e tukuna o Lam ni na la�ki vakaitikotiko o Dawai mai Galway e Ailadi kei na nona vuvale ena vica na macawa mai oqo.

More Stories