Sa kabasu!

Update: 10:35AM E SA lako tiko oqo na i ka walu ni vula ni nona tiko ena loma ni vale laca o Setareki Tamani kei ratou na lewe va na luvena mai na koro o Natadradave e Dawasamu.

Ia, na draki ni cagilaba e Viti, oya mai na Noveba ki na Evereli.

Dina ni ratou tiko ena vale laca, e sega ni kauta laivi na nodratou yalo vinaka ena veiqaravi vei ira na udolu na lewenivanua era ciciva tiko yani na wai ni bula ena koro oqo ena Vualiku kei Tailevu.

Ia, qai yacova na siga ni vakacagicagi ni nona tu vakai koya o Viti, e sa kabasu na dela ni vale laca oqo ka solia mai vakailoloma na matanitu.

�Au sa lomaleqa vakalevu ena vuku ni noqu i tikotiko.

�E dua na cagi kaukauwa e liwava na neitou koro na siga Moniti, siga ni vakacagicagi – 10 ni Okotova, ka vakabasutaka saraga na vale laca au vakaruru tiko kina,� e kaya ko Tamani.

�E ratou veitagici na luvequ ena gauna sa liwa kaukauwa tiko kina na cagi ena yakavi ni Moniti ka lako vata kei na tacega ni kava ka ni ra se bera ni taucoko vinaka tu,� e kaya.

E kuria o Tamani ni ra sa veicicivi na gone lalai e Natadradave ena nodra sa nanuma ni sa baci dua tale na cagilaba e sa baci liwavi Viti mai.

�E se kasa vinaka tu ena nodra vakasama na veika era sotava ena cagilaba o Winston, ka ra sa veicicivi wavoki na gone ena nodra tagi ia e rau sa laki kabiti koya na luvena gone ena levu ni nodrau rere.

�Qo e sa dua na ka na noqu lomaleqa tiko ni sa kabasu na vale laca ka se bera talega mai na i yaya ni noqu vale ka veivuke mai kina na matanitu,� e kaya o Tamani.

Ia, e kuria o Tamani ni ra lewe lima na tauvimate era vakaicili tiko ena nona vale ka qaravi iratou tiko na lewe lima qo ena veisiga. E tukuna na turaga yabaki 53 qo ni veivale era tiko ena loma ni koro e Natadradave era sa vakaicili tale tikoga kina eso na tauvimate ka ra mai qaravi ena vuku ni wai ka veivakabulai tiko kina.

�Au sa lesu mai vakavica ena vale ni volitaki yaya ni vale ka tukuni ga mai me�u wawa, ia qo sa kabasu na noqu vale laca ka veiciciyaki sara vakalevu na noqu vakanananu se gauna cava beka sa na qai rogoci kina na noqu tagi,� e kaya o Tamani.

E vakaraitaka ko Tomasi Naisoso na turaga ni koro e Natadradave ni sa vakadeitaki mai vua vei iratou nai vakalesilesi ni veivuke ni cagilaba ni oti ga na kena qaravi na veivakacokotaki mai Nataleira kei Vorovoro esa na tarai yani na nodratou koro.

Tukuna mai o Vuniwai Jo Koroivueta na Vunivola Tudei ni   Bula Raraba kei na bula ni sa vakayagataka oti na matanitu e $86 na milioni ena nodra vukei e 23,000 na vuvale.

 �E laurai ni 10,000 na vuvale era gadreva tu me ra vukei, ka sa biuta na matanitu e $20 na milioni ena i tuvatuva oqo.

More Stories