Rui bibi na i tabagone: NFP

E KAUWAI vakalevu na National Federation Party na bibi ni nodra i tavi n ai tabagone e na veisdau e dau yaco e na veitikotiko vakabibi e na nodra vakaitavi e na bula raraba kei na vakaitavi e na politiki e na kena vakavurea na bula galala ni veisaututaki.

Sa koto kina na gagadre kaukauwa ni NFP mera okati na i tabagone e na vakatulewa ni veika ka okata na nodra bula e na kena maroroi na bula galala ni veisautautaki me vaka ni dau vakavuqa era dau sega ni okati tu.

E vakaraitaka ko Professor Biman Prasad, na i liuliu ni soqosoqo, ni tikina oqori e sa vakanamata na i soqosoqo me na vakakauwataka na vakarautaka na nodra vakatavulici ka vakatorocaketaki na i tabagone me rawa nira vakasalataki vakavinaka e na veitaba ni cakacaka ka ai liuliu vinaka talega e na veitikotiko.

Sa virikotori koto e na nodratou i tuvatuva ni veiqaraavi na NFP ni na vakaukauwataka na National Youth Policy e na kena okati eso na i tuvatuva me na tokoni ira na i tabagone e na nodra vakauqeti ka vakaitavitaki ira e na veika eara koto na noda bula vakapolitiki.

Kuria ka vakaraitaka na NFP ni na raica vakamatua ni na cokonaki vakavinaka na National Youth Policy mera lewena edua na i soqosoqo ni veimata-tamata, , veiqaravi raraba, ka yavutaki mai na veivakasalataki ni veitabana e oka kina, vakabibi o ira na i tabagone.

E vakaraitaka talega na NFP ni kauwaitaki ira na lewenivanua era sa qase ka ra ka rai takele ni cavuiklaawa kei Viti nikua ka dodonu mera kauwaitaki ka rokovi e na noda veitikotiko e na vuku ni noda i vakarau kei na veika e matanataki.

Kauweaitaka talega na i soqosoqo oqo na nodra gagadre na sa qase ka sa tu vakarau me na vakavinakataka na nbodra qaravi, veiqaravi ni bula kei na vakarautaki ni vanua mera tiko kina.

Sega walega ni koya oqori, e sa vakaraitaka talega ni na musuki sobu na i sau ni nodra livaliva, wai kei na i vakacavacava lavaki ni veitauni tauni era dau sauma.

More Stories