Rawata o Cikamatana nai matai ni koula

E A mai rawata nai matai ni metali koula nei Viti na goneyalewa daulavekabi ko Eileen Cikamatana ena sotasota ni International Weightlifting Federation?s Youth World Championship ka vakayacori tiko mai Malesia.

Ko Cikamatana na goneyalewa ea rawata taumada na koula ena sotasota ni Commonwealth Youth Championships ena nona a vakaitavi ena wasewase e 63 na kilokaramu mai Samoa ena yabaki sa oti ena nona a vakaitavi ena 69 na kilokaramu ka rawata talega kina na koula ka rawata talega me laveta e 122 na kilokaramu ka rawata na metali varasa ena nona laveta e 215 na kilokaramu ka mai ka tolu kina.

Na goneyalewa yabaki 17 qo e taura tiko na isausau ena wasewase vei ira na ?youth? kei ira na ?junior? ka tekia rawa kina e na tekivu ni yabaki qo.

Ea vakaukauwa yago tiko o koya mai Niukaledonia kei ira na vo ni daulavekabi ni Viti era vakaukauwa yago tikoga e Viti ni bera na nodra gole ki Malesia. Na lave ka bi esa rabailevu sara tiko ena gauna qo na kena qitotaki ena noda vanua.

More Stories